其實又唔算番學既
因為事關我地番到寺只係做得兩個鐘都唔夠就可以走人
我番到學校
先到音樂室等
去禮堂啦
聽老師講解，覺得好複雜
ｄ小朋友開始來啦，我開始緊張
我地排成兩行咁迎接佢地入禮堂
其實原來呢個job好容易
淨係帶ｄ小朋友坐邊個位，帶佢地入課室搞掂
不過我大部分時間都係企＝ ＝
全部入哂去啦
王ｘｘ同黃ｃ明老師做主持
王ｘｘ講野講得好搞笑＝ ＝
我同達達編成一組
台上ｄ人講完野就要帶人入課室
所以達達拎住個牌係頭，我就企係尾到
行啦，行行都係跟住拎牌個ｄ人
唔知點解係係我前面４個小朋友唔行，跟住我＝ ＝
仲有隔離行既
我一時慌張唔知點算好
因為達達已經行左落去
唔可以叫佢地跟番佢＝ ＝
老師叫我係則門到行落去
我驚帶錯ｄ小朋友
所以安定佢地，同搞清楚佢地邊個要去邊個室
我慢慢落樓梯，行５步就回頭望
驚走散
全程都好緊張，因為我好驚有咩差池
再上番樓梯，再點清楚佢地應該去邊，再送佢地入去
佢地入哂去個刻
我真係成個人都鬆哂！！
跟住老師又話要係到守住
要帶佢地去廁所
未幾，人ｄ人出左黎去
但係佢地係一支箭咁跑去＝ ＝
我叫都叫唔切！！
去到廁所門口
佢地真係好（活潑）＝ ＝
佢地又番入去啦
我既工作就係咁樣真正完結
係學校行左幾行
基於想趕番屋企睇甲鬥王
而且達達同艾爾好似想去（拍拖）唔想我同佢地一齊咁
就根住想班人走
我地行到側門個到
光頭係學校裡見到我地
又話要跟住走
即卡爬圍欄出來
個陣其實我地係離遠咁望住
兩個人係圍欄隔離
跳出黎啦
我叫到光頭腳趾尖個位卡住左個圍欄
成個人仆左係到
個兩隻死野又唔接下佢
起碼都冇咁傷嘛
好彩佢臨捉住個路牌條柱
但係都傷得好嚴重
條褲穿左個窿！
隻腳又流血
落車啦
大班人過對面馬路間ｍ記
行緊馬路個陣
驚見一樣我好期待既野
就係輕鐵４期車（新車）
嘩，第一次親眼見到，真係好靚
我叫ｄ人睇
ｄ同學都話好靚！
真係好想沖上去答
食野，上樓上
我買個早餐食
大家食完後，不斷係到搵相機影人
我都影左幾幅
等等就放俾大家睇
走人時，佢地造有活動
我當然話唔去啦
一來我同佢地真係不太熟
二來我要番屋企睇甲鬥王＠＠
番到屋企，哂起今日又有親戚來
係我姨丈既呀媽
佢好耐之前已經來左香港
今日專程來睇我地
真係好麻煩，成個客廳都充滿住客家話＝ ＝
我番入房睇電視
睇完反冇幾耐
成班人一齊去金海食野
下就３點同表弟番教會
因為一個叫鐘舒漫歌星會來＠＠
每次番教會都回覺得自己好伋唔應該
人人都係到有人傾計
我就自己一個係到等
個死人表弟掛住招呼佢ｄ新朋友！
上去啦
要同一個陌生既哥哥坐
唱完一輪歌後
個鐘舒漫就上台講野啦
唔知點解我中段好想訓覺
所以訓左陣＝ ＝
後尾佢唱左首佢作既詩歌
之後完場啦
一係到分組債ｄ唔知咩野
番屋企．．．．
琴日朝勁晏起身
成１２點半！！！
一點開始係到做經濟野
改正做完，功課個ｄ，做哂教左個ｄ
之後成日都無所事事
個表弟又來訓覺
３日假期既尾聲話咁快就來
有陣時你設定哂幾時做ｄ咩
但係突如其來既事年會打破你全盤計劃
今日就係一個好例子
朝早開機，本來想做通識野
點知呀媽要我去荃灣出席一個飯局
心諗：食餐飯個（鯪）兩個鐘搞掂
點知一搞搞３４至４個鐘
我都係岩岩先番來炸
好彩呢篇野琴日已經寫定！
其實我呀媽依家都仲係荃灣行（04:24)
我唔自己走？
多啦ａ夢做完都仲未有得番！
唉，我全盤計劃就係咁完蛋了
衣家唯有同大家交代同極速做哂ｄ功課
聽日第一個對手係(吾like)＝ ＝
所以衣家先完成通識功課
後日既對手就係（何老野）
所以做完通識功課先做中文個篇難做到死既野
聽日又番學啦３日假期（唔係，兩曰半炸）就冇左啦
所以我係到同大家講
每逢你係到做緊一ｄ你已經設定好哂既行程
而有一ｄ突然事情俾你揀做唔做做先
你真係要諗清楚之後既後果，係要推算所有有可能既野
咁你先好做
如果唔係，你就中左魔鬼既陷阱
到時你就煩啦
講住咁多先
衣家要做功課，拜拜！
（唔記得post上來添= =衣家post番 09:36）
|
