今日提早左起身

目的就係要俾時我去執野

仲有就係去買野食

因為今日１０點就走得人！

唉，朝早既ｍ記真係多人

排好耐先可以買到個包！

買完後即卡上車食

係車到祈禱叫神令我唔好係考試個陣咳

同埋令我唔再肚痛

另外我想同大家講既

我發覺星期２單食物中毒案

我都好似有少少中左招

當日我有食A餐啦

星期５開始喉嚨痛

之後開始咳啦（唔知關唔關事呢＝　＝？）

跟住呢幾日個肚有ｄ咕咕聲

有ｄ搞腸沙既感覺

呢到我認為一定關事囉！

落車行，到個陣個肚仲係痛

我唯有頂硬上！

因為今日落雨

所以冇人守門口

入到操場坐

跟住好番好多

在此證明又係神既力量！

上禮堂啦

第一時間搵我坐既位

我坐既係49號

又係9

又同上一次一樣

艾爾離我好近！

成份卷共有３篇文

答題紙全部都係填ABCD同埋剔交叉

得幾題係寫一ｄ詞

我覺得最難係第２篇

後來ｄ人係到誚第２篇ｄ題

又話好低ｂ，佢地話問警犬要來做咩

聽到呢類既說法我心開始驚

佢地講到咁容易應該攞到分

我竟然攞唔到個陣咪死得？

考試好唔容易先過到個半鐘

當然啦，我做哂份卷

但係岩幾多就係另一回事了＝　＝！

個半鐘裡面，我只係咳左一細聲

仲係趁大家有聲個陣

算是神做吧＝　＝？

另外，我ｄ鼻水不斷咁增加

真係好辛苦！

考完了

我同艾唔係考地理，所以先走

個陣係落緊雨

好多人冇帶遮所以困左係學校

我同艾爾就大搖大擺咁走！

因為太早啦

所以今日冇同艾去食野

諗住聽日先食

當我想落車個陣

成班人當同我同一個站落車

搞到艾爾一個人坐係車尾，慘！

仲有好多時間淨

係屋企訓覺．．．．．．．