今日係星期四，照常這樣上學去

諗到要測通識，個心就好想溫書

通識有ｄ問書既，唔溫真係答唔出

最後兩份卷，兩份都係資料回應題

今次我寫左好多野，多到可以寫到後面個版

最後經濟科，我以為考好多野

但係原來但係考好少

每課考一兩題ｍｃ到，問答就得兩題

畫圖個題，睇錯題目，咁就冇左６分

原本我係識架

今日中文派卷，作文：３９分，閱讀：４２分／７５

作文果然唔合格．．．．．．．

今日應承左班人，星期６去玩

岩岩個教會姐姐打來

佢又冇直接叫我星期６番

但就好隱含咁話「星期６都要番架啦」

大約呢句

睇來，佢好似當左我係組員咁＝　＝！

上星期日，因為坐唔滿人

我地個區係公園俾人罵

負責帶我去教會個教會姐姐俾人點名話

唉，宗教呢樣野就係咁

所以呢，我本來後日都唔想去架

但係都唔忍心見到佢咁慘

而且我有ｄ感召話其實我應該番教會先係．．．．．．

今日最尾個週會，又信仰講座

心想，又統測又講座

學校一ｄ都唔體諒下我地

最後，原來影音使團ｄ人來

仲講一ｄ挪亞方舟ｄ野添

隔離隻第四代旋蜂王話對方舟既野好有興趣

但唔信神＝　＝！

個人話原來先前已經派人成功入到去方舟裡面

其實禮堂ｄ人聽到都有ｄ騷動

跟住又話遲ｄ就會公佈後紀錄片

心諗，真係好啦

一來我好有興趣，二來即係證明我信既野係真的

三來可以令到多ｄ人信主！

聽日係最後一日啦

英文，算啦，實死的一科

最驚就係聽日個聆聽又有綜合能力

唉．．．．．．．．