琴日明明係好好陽光

今日就落大雨...........

點解天既變化會係咁大架？

唔知點解今日我既心情都隨天氣呢種變化影響

近派學校上有ｄ想逼住我

圖書館ｄ野啦，艾爾借我本書搞到我遲還啦（本書仲係佢到）

隔離鄰居係英文堂攞我本書黎睇

最後俾吾惠收左．．．．

本書叫（你戴錯眼鏡啦），我係唔係真係（ｘｘｘｘｘｘ）呢？

今日上完經濟堂都冇事發生的

之後上物理堂，吊位吊去艾隔離

開心同唔開心既事同時黎

呢個時候唔見左之筆．．．．．．．．

．．．．．．．．．．．．．．．．．

打咁多個點做咩呢？

我都唔知點解

或者係對我呢種為唔見筆而唔開心既人一種無言吧

又要買過支筆了

我發覺一樣野

我筆袋本來得一支筆

不過如果有第２支筆既話

冇幾耐就會唔見一支＝　＝

真係的！

唔知大家有冇對物件有感情呢？

我可能有啦

如果有一ｄ我用過一段時間

之後要扔或唔見左

個心都會囉囉攣，好似失去對自己好重要既野咁

別人笑我太天真，我笑他人失童真

呢句係岩岩諗到既＝　＝！

放學時，見到達同經翰，逼埋係一把縮骨遮到

我係後面揶揄佢地好浪漫，佢地就話我攞把大遮串佢地呀咁

唔知點解，我見到呢個情境會心微笑

可能係我見到兩（火）友誼的心

坐車，同艾一齊坐，我地兩個一路上冇點樣出聲

臨尾後面第４代旋蜂王同一班人嘻嘻哈哈

最後我同艾爾講左聲拜拜後落車

佢好似淨係用眼神回望我

今晚落街食家家吉

先去伊藤家到訂生日蛋糕

冇錯，聽日就係我生日啦

我揀既生日蛋糕，面頭係勁多芒果既（我好鐘意食芒果）

落訂時，要自己寫上係朱古力牌到要寫ｄ咩

寫既時候有ｄ無奈，自己同自己講生日快樂咁

仲要個職員係到望住．．．．．．．

到吉吉家食野啦

臨走時我睇左周圍一片

有７成日人都係一個人係到食飯

３成就有人陪住食

唉，我係到諗，再過多１５歲（３０）

我會係個點既人呢？  又會唔會好似佢地咁呢？

 我個心太多野諗了

番來一ｏｎ　ｍｓｎ

即傳來伍長的一個問候，當然係聽日生日啦 

我諗應該係Facebook到有講吧

佢問我生日同邊個過

我就好隨意咁答，又係同呀媽過！

隔左大約１０秒佢就話，又答道

有家人陪，蠻幸福耶！

會年我都係係屋企過，夜晚出街食豪ｄ咁慶祝

之後突然諗到，死啦，提到人地ｄ不太開心的事添！

以我所知，佢媽咪唔係住香港的

所以我諗到可能佢年年生日都冇咩機會有媽咪陪

其實我常常見到有朋友生日都會有很多人陪他們

我不斷和自己說，我是寒冷的人，不怕（凍）的

心底裡原來十分憧憬這些．．．．．．．

我試過一年在家請過幾位小學同學上來慶祝

可惜，不是我理想中的好回憶

以上這些說話本來不想說

但這blog是抒發我感受的地方

所以說了這些心底話

唔好睇我平時笑口的樣子

我也有點承認我為人比較感性．．．．．．．

回想過去，又是一年了

歲月真的很利害！

佢開始既時候，人們一家會話，唉，好慢長喔

但係到佢完左既時候，人們就話

唉，時間過得咁快架！

究竟係歲月真係咁神奇呀？定係只係人類既矛盾性格？

如果俾我拍呢段ｍｖ

我會選用銀河鐵道或者電王裡既Den-Liner (時空列車)黎拍

近呢個月，發現左大一歲又有左一ｄ變化．．．．．．．

再見了，１５歲的熊貓

再見了，１５歲的東