呢幾日做哂好多野，真開心

琴日有單野真係令我火滾！

話說琴日數學堂，痰罐一開頭用少少時間處理班務

我個陣冇野好做，發呆！

突然隻死痰罐無啦啦問我通告上既內容

我唔識答要我企係到啦

另外又有一個同學同我受同一遭遇

之後痰罐叫多個同學，果個同學就攞起張通告答

佢可以坐番低，ｄ人話佢出貓！

死痰罐話，佢起碼醒目ｄ，識出貓！

佢咁係咪即係教唆學生作弊呢？

我點鬼知我咁樣睇住張通告黎答會唔會俾你屈我出貓記大過架？

佢仲未叫我坐番低喎！！！

我地企多左一陣

最令人火滾就係，佢叫我地坐低咁樣講野：

（好，你兩個傻仔坐低啦！）

傻仔！俾你無啦啦咁罰完人企，仲要咁話人傻仔

完全係係到耍人，正能樣！！！！

大家試想想係班房公然俾人咁羞辱法，你地感受係點？

學詹瑞文一句：（燒你數簿！你個能樣係到玩周我？）

該死的痰罐！

完全唔配值得我地ｄ學生尊敬！

第２次既英文oral係琴日就咁結束

好幸運，又蒙神眷顧，我又冇口啞啞

吾惠佢總結話，有超個１０個人攞０分

根住講左一大論道理．．．．．．．

佢問我地一個問題，暗示左佢好似要離開呢間學校咁．．．．．

一路以黎，我都感覺到，吾惠係主為我安排既一個老師

我Feel到，因為我地不太努力，所以神要攞番走（可能）

羅pat佢表明左話唔想佢走，所以今次大考中要盡力所為．．．．

我都想喔，不過我又有咩能力呢？

唯一可以發揮，就係ｌｉｓｔｅｎｉｎｇ卷中發圍

或者係作文中撩堆字數出黎

唔好話我睇死自己，英文真係好難救得番

因為底子差到不得了

學校落實左話暑假開英文補習班

我去喔，因為個到係教簡單野．．

可惜就係要連續上兩個禮拜

算啦，反正我暑假真係冇乜野好做

今日開心既事，一樣

艾爾造佢問左（李殼種），生物測驗得我同另一人合格=]

如果生物不是用英文讀的話，我一定會好出色

最近睇話伍長既ｂｌｏｇ，然後睇番我自己呢個ｂｌｏｇ

真係有ｄ不足咁，文章內容好想好似佢咁

隨和，舒服，捨意，闖入內心世界

大家，請問我呢個ｂｌｏｇ有以上邊幾點？

細佬月尾小學畢業啦

諗番起自己係元小既日子，同埋畢業既事

最近考詠姐話鄒兵，晉穎班人狂催佢叫佢搞多次小學聚會

佢本人話約人好麻煩，唔想做搞果個= ="

佢話想我做喎．．．．．

又諗番起小學既野，呢ｄ回憶挺令人沉醉緬懷當中．．．．．