（ｄ相係咪好正呢＠＠？）

近派空氣污染好高

我都兜得個身有d唔妥

無啦啦流鼻水,突然想咳

咳既時侯個肺仲有d擦損左痛既感覺

先講講下個統測d成績

英文堂派卷時,老師先訓話左d人一餐

話專登整易份卷都冇用

個個都唔肯做之類

派聆聽啦，我２２分的，隔離果個合格，２７！

之後我加多１分，２３分

物理卷，２０分合格，我１４

通識卷，先派第２張，６７．５分／１００

派第一張，１１分＠＠

個該死的吾like仲話我係唯一一個要Ｇ０１（補課）既人

睇番，原來係佢冇乘番Ｄ分先１１＝　＝！

最後乘番變５５！

數學，卷１，４３，卷２ｍｃ１４／３６

合唔合格唔太清楚

經濟科功課今日順利做哂

唔洗留堂，但聽日留堂

因為聽日圖書館又開會了

我都好耐冇去開會了

今日有ｄ頭痛，唔知點解心情有好大變化

如有留意我應該注意到

朝早活潑，下午比較沉默

今日放學冇人陪我，應該係話每日都冇人陪我架啦

今日睇完星期２檔案

睇到ｄ會考生，心想中六時

我地都會好似佢地衣家咁俾人影成星期ｘ檔案＝　＝！

但願聽日會更好了，阿們

唔講了，訓覺

（ｐｓ：異工開始作）

先講下星期6

1點換衫,2點10分落去元朗廣場

由屋企行去路程只不過5分鐘到

去到時時間仲好早

周圍都唔見熟悉既身影

行行下,見到達從電梯落來

扮睇唔到,跟住佢想過來嚇我一跳

哈哈,嚇我唔到,仲話我咁近都見唔到佢

原來佢後面係勞杰精!

一齊係到等喔,鄭經,兔,艾爾,囉pat黎左

最後隻豬肉遲左少少先來

佢件衫同我著個件好似= =

我著白色T恤加紅色格仔褸

佢就係咁就咁著,內裡空的= =

佢打藍球個陣解褸,好有型的@@!

佢個件衫同我有少少唔同

佢係比較黑d,我係紅d!

佢地去我屋企附近打藍球@@

之後話去網吧

我不太喜歡去呢d地方

最後去左一間近明記的網絡陣地!

有兩層,去樓上玩

同佢地玩信長，之前玩過，但唔記得點玩啦

輸左，之後我玩勁舞

其他人見到又有ｄ驚訝

因為佢地一直以為我好文靜，唔打機

事實上我以前係成日打機的．．．．．．

兔仔見我識玩勁舞都有ｄ驚奇

不過我同佢玩個陣我仲驚奇

因為佢太勁了，我實在不能同佢玩．．．．

跟住又玩下魔獸世界，死軒唔幫我較制

我唯有係到打下副本

係網吧ｄ機好勁，勁順

我係屋企都有少少疾的

之後六７點到走

會合鄭軒軒

佢個陣係幫吱吱喳搬屋＝　＝

所以我地咪幫手搬下囉，我冇咩所謂

反而我有ｄ唔係好開心

因為我發覺我係出少力個ｄ人＝　＝

ｄ重野係人地搬的，我？

搬既野相比下的ｏｋ輕的

顯得自己不中用＜－－－－（真心話）

吱吱喳新居都幾大，又有露台，天台＠＠！

走啦，去景福宮到

嘩，服務態度好差，訂左位又冇位

ｄ呀婆又俾面色人地睇！

搞到達達都有似有ｄ燥

佢燥既時間都幾ｍａｎ下架＠＠

第一次見到的，ｔｅｍｐｏ有福啦你

開動了，食呀食食呀食在場個口十都黎埋

艾爾黎到食食下睇漫畫＼口／

我見大家喪攞肉扒，壽司甜品野飲＝　＝

我都食得飽飽地了，達達又面紅

大家都將剛才的事暫時忘掉了

走啦，散band

翌日朝早，番教會．．．．辛苦

（待post相）

今天，又是一如以往

開心既係，測埋今日就完

英文閱讀，唔提了

英文聆聽綜合能力

我竟然識喎，個何老野播左兩次

播多左一次＝　＝

哈哈，先頭唔記得寫個ｄ都寫得番了

中文老師果然係中文老師．．．．．．

本來幾擔心作文抄唔到野

後尾我識睇題目，知道要做ｄ咩

就抄啦，最後唔夠時間抄感受

有ｄ成功感，望合格啦

之後上生物堂，最高分，經翰，２５／４０

我呢？２４／．４，第２名＝　＝

艾爾最排第３（永遠高唔過我）

達２２

以前的競爭對手大王都唔合格了．．．．．

經濟，我合格，２７／４０

唯一個唔合格，就係隻兔．．．．．．

調最尾個堂位，本來我個行坐窗口邊

達坐左相對豬肉軒個位

但次後個老師又調左我去隔離行

同ｗｉｎｇ分開，有ｄ唔慣

前面變左個搶筆鴨！！

前面就潘潘

總括黎講，同達達近左，係正隔離

放臬同機關槍坐

一坐佢坐，我成日好似俾佢說教一樣的

話唔讀書點點點，掃街次類既野

講呢ｄ野搞到我暈＝　＝

仲要係機關槍式講！！！

今日成功推左教會姐姐

但換來星期日早起身去＝　＝

聽日就開始玩啦，唔知玩咩呢？

我驚去到狂打波＝　＝

今週的結尾算是幸福

感謝主

求主祝福聽日的我們吧！