近派去左北裂極旅行
ｄ功課，到左衣家都仲未做過
我冇得救了
不過ｄ點數差唔多用完
得番３個鐘１２分
如果我堅持唔買點
我諗我都逼到自己做既
前幾日狂咁番教會
事關冇咩野做
好累
舅父來左對我生活改變曾係幾大
生治開始有ｄ唔協調（有３０％因為佢）
近有傳表弟番來可能會又來住
那麼，我們這裡真的．．．．．
除夕夜倒數
唔想係家中睇電視度過
見到個slhirley416係blog話會同ｄ人出去
見到就心酸
我又唔識計畫
冇理由成日同屋企人一齊架
有代溝嘛＝ ＝
如果你係識我，又同我有ｄ熟
又決定除夕夜出去玩
希望你地叫埋我去啦
無限感激！
神呀，求你令我係呢個假期上
都可以按照我既計劃生活
奉耶穌的名祈禱，阿們！
近來聖誕節冇咩好做
假期令人變得懶散
似乎婷姐都有呢個現象
因為我問佢做咩咁耐都唔post歌唱比賽條片
佢就答我懶．．．
記得以前係呢ｄ時候都會好凍
但係今日，氣溫維持係１７至２０
唔知大家有冇聽過五月病呢個病呢？
我第一次聽到係keroro軍曹裡面聽到既
之後我有搜尋下關於呢個病
http://v.youku.com/v_playlist/f1920063o1p72.html
想知既上去睇下啦
我都唔知點解釋好
其實我諗我都患左呢個病
經過一輪辛苦時期（考試）
然後突然間放假
個人自然就沉醉係呢個假期世界裡面
之後假期結束
狀態仍然係提不起勁
唔知大家有冇咁既經歷呢？
等等我又要去教會
佢地話係今年最後一次聚會
要好好把握
講真呀
衣家開始萌生更一個唔想去既念頭= ="
神呀，請賜力量俾我呀！
星期４果個花車巡遊
唔知大家有冇留意到呢？
我就坐係印有熊貓圖樣個架巴士到
大家又有冇留意到呢？
今次既行動
又真係好似帶到歡樂俾人咁
因為沿途有一半人又同我地揮手
我都係第一次坐開逢巴士
感覺好正
過左一個幾有意義既聖誕
我拍左ｄ片
但唔知post係邊到好
（待續）
今朝，又如常的番學
去1D班房練下歌
到個陣都仲未記好歌詞
番上去，班房
然後全校一齊塞哂係禮堂到崇拜
ｄ老師唱歌時候都好哄動
後去小休一陣
去搵番班人傾ｄ走位
我地班參賽者坐係好前
但係好側＝ ＝
諗諗下，下年加入學生會做主持都好喎＠＠
我地幾時先上台？
首先幾班班際，然後就社際
跟住就係小組，即係我地
我地排最後，成２２名！
其間我地都去左樓下練習番
練完後番上來休息下
印象深入既係有兩個人唱忍者亂太郎日文版ｏｐ
跟住班際入圍個ｄ全部都係高中
得班係ｆ２的
５ｅ真係做的好好
那班ｆ２的走位好明顯係抄哂好地ｆ１同ｆ３個ｄ
唔知條片係咪外泄呢？
到我地啦
學生會班人又話搵唔到碟
又拖左一陣子
終於開幕啦
我緊張
其間我地又跟唔到音樂
所以有即卡想出手搶咪
但係搶不成
聽到台下真的有ｄ笑聲
（瘀）死了
之後好彩到副歌部份又跟番
我地又冇唱錯歌詞
再次番副歌詞
王ｘｘ上台現身啦
台下即卡嗌得勁犀利！
我又不太識fing手
有ｄ亂
又俾人睇到我地唔好既一面
不過大家注意力去哂王ｘｘ到
算啦~.~
終於唱完啦，番落去
抽獎時，係抽到９號架
再後唔係４ｂ＝ ＝！
頒獎啦，我地係到諗緊有冇獎啦
點知最冇可能既獎俾我地攞左
當佢地叫最佳合拍獎－單車時
我就好大聲佢叫啦
黃華俊等人仲話你咩事
之後先意識到我地攞獎
我地成班人都開心地走上台攞獎！
王ｘｘ又講左幾句野
落番台啦，番課室
佢地話艾爾係叫得勁大聲
狂咁叫我個名
但係我聽唔到
有幾個原因
一就係佢地坐得勁後
二我太緊張
三太嘈了
之後隻白臉仔又話都有叫我
但係就叫個隻名．．．．．．
艾爾真係好
不愧係我忠實fans!
次次食野前都係ｄ女仔行先的
唉，搵次我地男仔先啦
我相信佢地年年班班都係女仔先
俾一次男仔先啦
真係好唔公平！
我最怕就係大王食哂ｄ野＝ ＝
所以已經有ｄ人叫定佢先
今次食KFC
有好多炸雞，燒雞（雖然淋哂＝ ＝）
都食到我好飽
我狂咁食雞下髀
因為好食，食起上來不失儀態＝ ＝
跟住同達星人分左ｄ磨菇飯
那個第４代旋蜂王係到問
你同達叔既關係係咩
自從佢睇完我既相簿後好有興趣研究呢個項目！
佢我反問番佢
全世界得係叫佢達叔咁親切
你同佢有咩關係@@?
食完後，交換禮物時候到啦
達達星人帶左個公仔
真係好想抽佢番來
最後，達達個份入落左係緋聞女友身上
邊個就自己估啦
佢就抽到成大盒熊仔餅
我呢，個份就落左去免死姐姐到
我就播到女班長個份
其中有人播到兩卷廚房紙
果個就係姓楊的．．．．．
買果兩卷野既係．．．．．
就係同我成反襯的個位．．．．
ｄ人狂咁係到笑
老師又派禮物，又抽
得４個禮物
個樣係棺材狀的儲物盒
印有怪誕屍新娘圖案既野
我相信佢唔會買翻版野咁呱
真係正版野其實都ｏｋ貴
因此好多人都想要
播到第３份抽中我
哈哈，９號
今次真係４ｂ既９號啦！
ｄ人仲差ｄ以為係６號，唉
大家都走啦
班死野又打波
我就同軒班人走
沿途上見到幾個真的變壞的人．．．．
真係好想佢地變番好
可惜我冇呢個能力
我只可以係旁觀同旁述
番屋企
今日係冬至
好多親戚都來哂食飯
當中仲要久違既表妹
大家姐都見肚啦．．．．
聽日放假啦
呢一日會成為往後好好既回憶！
