日誌人氣到左２０００啦
有賴大家既支持
在此先多謝大家！！！
今朝，又肚痛多一次
所以，又遲左出門口
今日沖沖忙忙咁買左腿蛋治
架車來到啦
我跑過去，好彩呢個司機唔係盲既姐！
上到車，先發現我個份原來係餐蛋治
算，我認為都冇咩問題
番到去，又要企，唔知點解今次過得特別快
對柯ｓｉｒ啦
做作業呀，抄下野
小息，食野啦，開頭都冇乜野
但係唔知點解愈食愈難入口
係餐肉既問題
下次都係買番腿蛋治！！！
跟住柯ｓｉｒ播海底奇兵
真係輕鬆！！
美術堂冇野做，做ｗｓ
中文測驗，前面寫左好多野
後面唔夠時間做
求其亂咁做埋ｄ ｍｃ
食隻啦，雞脾飯
之後溫書
老師又係到痛罵出卷老師垃圾
出既卷都咁垃圾！！！
溫完後，測啦
睇得出份卷係臨急抱佛腳做既！！
其中條唔記得左點做
其餘都識，份卷有ｄ令我迷茫＝ ＝
團契，該死的校工遲遲唔開門
入到去，做個份感想，姓彭個位又冇番
可能病發呱
我講番楊禮佢去我班房表演
老師都好無奈
我地都寫哂啦
落雨天操場坐
老師話擺野先，死楊禮話佢想叫我地自己買野飲佢鏗番＝ ＝
落到去，佢請我地飲野
恩恩飲玉泉西柚，楊飲大檸檬茶，晉飲可樂，我飲細蘋果汁（我最乖，幫老師鏗荷包）
一路傾一路傾，我問恩恩有冇伴侶
佢都講左話有＠＠重話幾年後結婚後！！！
佢呢ｄ年紀既人，都應該有對象的說
艾爾突然殺到來，介入我地既話題
打鐘走人
上到車，同唔情願同我坐既吱吱喳一齊坐＝ ＝
架車行到１０號站
我先驚覺原來要圖書館聚會
唉，圖書館管理員呢個名開始疏遠
我就來唔係圖書館既人啦！
話唔定我會輕鬆番ｄ呢！
呢一日唔知點解會有遺憾既感覺
話唔定係我意識到中三完結的日子吧！
我唔想係中三裡有遺憾既事＜－－－－－－（又係到亂講一通＝ ＝）
人氣到左２０００啦
再次多謝大家支持！
|
