提早慶祝生日-食生日蛋糕+晚飯 2011-07-21
朝早起身做左我既"任務"先....有時真係比人激死!唉~唔好提
做到死死下喇....3點幾就同家姐出左去喇~
諗住買書包買唔成....之後就去左搵紫晴喇~yo~
一開門....我地會講:紫晴~紫晴~Hello~
佢就會超開心走黎走去....扮見我地唔到,有d怕醜~勁搞笑
BB仔真係好可愛
同佢玩玩玩...佢識講野真係好玩好多~
又會問佢想玩咩呀~
今日又玩新野喇....玩泥膠呀今次~
有d工具我同我家姐都係第1次見....唔太識玩~(唔同年代?)
又會睇下紫晴有冇鍾意邊d野多d~
有時家姐整完d野~佢話係個樣野~
紫晴知道佢講錯左~就會講:唔係呀~係xxx呀!好搞笑
又玩蛇蛇蛇....去咬人~嚇死紫晴佢~不過玩得好開心
見到佢會保護我扮個隻Pig Pig豬有時個心都好sweet嫁!
不過有時佢太驚個陣會o係佢後面....唔理佢~一時一樣~哈
不過咁先搞笑嫁ma~呵
不過有時玩得太認真個陣就好惡死~再同佢玩d斯文d個陣又好鬼溫柔
出街個陣好乖....會拖住乖乖地行~
仲同我玩過馬路個陣拖個陣要大力d拖住~haha~
又去搵公公....食埋生日蛋糕喇~
多謝媽咪同家姐既禮物.....我好鍾意呀~影下相....
 
放心啦媽咪....大吉利是講句~你真係咁既話...我一定唔會唔理你嫁~
探下佢之後就去買野~
之後紫晴無啦啦話:好攰...(個樣仲要勁慘咁...第1次見佢咁)
我咁就唔忍心走去抱佢喇~因為媽咪要佢自己行~
我一路抱就同紫晴講:表姐抱紫晴都攰嫁bo~因為要用手手咁抱住嫁ma
所以表姐抱多陣就要紫晴行陣先,紫晴再攰個陣就叫大表姐抱啦~
佢就超樂意咁落番地下行~真係重死人呀唔係講笑~
行多陣街....知道紫晴真係好攰喇~我就"抱"佢番屋企先
知道佢攰~真係唔忍心要佢行番去重死都係咁話
再去搵位食晚飯喇~叫左9碟~食到好飽~

食完又再去紫晴屋企同佢玩....
佢話:慢慢飲...唔好倒x呀~~哈哈~之後我唔小心整到~
佢就指住我講:表姐...你要慢慢飲呀~
之後我仲要死死地氣同佢講唔好意思呀紫晴~唉
咪話做人呀媽難呀~宜家連做表姐都唔易嫁~
只係同佢玩咋....都想死喇~做呀媽既又點止呢~真係偉大呀~
仲有紫晴唱生日歌比我聽呀>3< yoyo
原來紫晴夜晚臨訓前....有時候會問表姐o係邊?表姐做緊咩呀?
原來仲會掛住我同家姐嫁~真係超開心呀我地~
^v^我一得閒就會黎搵你玩嫁喇紫晴*v*