今朝10點20先起身....起左身一陣傻佬就打黎lu
講左陣電話就出左去同媽咪食早餐....食完早餐就番學
唉...今日累屎我啦...跳完舞1點半到啦...打比丹丹
今日陪丹丹去買書....本身我都買嫁...但聽到牙ba話幫我買
我就打消左個諗法等佢買lu....哈...係咪好[姦]呢?
同丹丹去到mk...噢no..熱到傻...我地兩個行左一陣準備去商務的時候
唉....唔知搞咩...對鞋有條野甩左...激屎我....跟住我地又行番花園街買鞋
行左勁多間先搵到對岩心水既....買完鞋就[拿拿林]去搵商務lu
我地經過重重難關先搵到間商務....問左幾個人....有兩個好熱心
一個行行下番轉頭話我知系邊...一個帶埋我行左一段路....兩個都超好人~至於其他果d...唔好提啦!!
今日無啦啦比人叫停左兩次....一次係幫人做問卷...一次係一個肥哥哥叫我拎住d野
個肥哥哥勁搞野....我地系商務出黎...佢無啦啦話[係你地啦!!拎住佢...]叫我地拎住佢手上果張美容卷
話咩唔洗錢嫁喎....跟住又問我地夠18碎未...大佬...點睇我地兩個都唔夠啦!!講到我地老哂
經過一輪之後....我地去完商務就去左旺中....行左好耐...好耐...好耐
丹丹系旺中買左條裙....系花園街買左條[庫]...跟住傻佬食完野黎左
丹丹話要去漢榮睇下有冇English and Geography兩本書喎....!!
跟住我...傻佬...同黑朱古力就陪丹丹去lu....買完書就閃人番屋企lu
本身今日要同屋企人食飯...唉...我都冇食到lu...因為我實在太累
番到屋企大教訓....嘩....舒服..好彩天日同後日唔洗跳舞姐....有得休息下
今日冇重點....打住咁多先...今日既日記好長
唔知你地有冇心機睇呢?
| 