今日放學 打完Left 4 Dead 同左Roy 同埋 Dick去M記食野

食食下野 見到個呀婆用d奇怪既眼神望住我地 當初唔知佢想點

原來只係等緊人想問時間 佢問左我地一d問題 一個人健康重要 定 學業成積重要?

我地唔洗點諗一至通過係健康重要 個婆婆都話佢都覺得健康重要

健康重要之後 佢又問左令一個問題  二個人一樣咁健康 學業成積一樣高

但一個有錢人品差 一個人品好但只有正常收入  你地又會選邊個

我同Dick諗左陣 如果有得選 我同佢都選有錢 但Roy有錢人品好

佢話人品好 學業成積高 可以有高收入 但很多人品好的大學生也無工做

不過個婆婆有令一個睇法 你平時食一碗飯 宜家要你食兩碗飯 你都會覺得太飽

太多錢唔一定有好大用途 多極咪又係咁洗 只要有舒適生活 人品唔好可能重慘

相反人品好 學業成積高雖然唔一定有高收入  但也應該會有合適 咁咪重開心

臨走果時重叫我地要做好學生 我一定會

回家途中 我諗其實無論選邊個都未必開心

人既慾望係無限量膨脹 無論有錢定無錢 都想令自己滿足

人要滿足要開心 最先係要抑制慾望

如果係你
二個人一樣咁健康 學業成積一樣高
但 一個有錢人品差 一個人品好但只有正常收入
你又會選誰?