唔覺唔覺都返左2個幾禮拜學，

講真，我真係覺得呢間學校真係好唔利我，

又唔見我小學果時成日整到傷哂，

另外仲有個訓導主任住係坑口，

估唔到囉~~

下個禮拜開始轉冬令喇，

真係好慘呀!!

3:35先放學，

星期一同三入左籃球隊，

6:30先放學，

咪仲慘過返工!?

另外件衫可以自己揀號碼，

但係就好多都比人揀哂，

又只可以1-15號入面揀，

被逼揀左9號...

我地每人要整2件，

上面仲有自己個英文名，

每件$180呀!!!

唉~

呢排返學真係返到痴哂線，

我搞亂哂d同學名，

想講果個就講左第2個。

仲有黃昏都睇錯讀左黃蜂(痴線!!!)

另外我同我同學傾計果時講左句:

你知唔知坑口之前係有太古架?

我講完都唔知自己係到講緊咩，

其實我係想講:

你知唔知坑口之前係有吉之島架?

唉~咩事呀...

再講講下仲變埋:

你知唔知香港之前係有坑口架?

大家一定會覺得我好有問題，

我諗再係咁落去我實愈黎愈痴線~~

我打完都覺得好無奈...