剪髮+內衣少女 ---未分類                                                   2008 年 8 月 16 日  星期六       今日放工會合麗麗就去左整頭髮， 歷時４小時既變髮（麗麗好似係６小時） 我由睇無聲既乒乓球奧運比賽到睇雜誌， 到無聲無息地訓著左（好犀利，人地幫我捲電髮既髮芯，我都訓著左） 好折磨， 但當見到完成既作品，都係帶住開心又怕既心情離開 （因為第一次染紅髮，又覺得效果不錯） 不過因為約左人睇戲既關係，睇唔到麗麗既最終結果！！！   我真係悶到發慌了!!!!!!! 之後去新墟會合， 睇戲之前食左上海豆漿大王，自從對上一次果個唔想再記起既酸辣湯麵就無食過， 但今次終於正常返！！！（食之前真係非常地驚）   食完就睇戲， 套戲好好笑，但劇情就麻麻，好散既感覺！！！ 不過好記得ｓｔｅｐｈｙ講左一句 “你一直話教我點樣討好男仔，其實令我對男仔無晒信心既，就係你” 果一刻，突然覺得有好"到"既感覺！ 睇戲果時見到"保持通話"既宣傳海報，等左好耐喇，有人願意陪我睇嗎﹖   其實聽到那句的時候，心很介懷，原來是這樣想的嗎﹖ 我只想說， 可以的話我也想是正式的，並不是現在這樣.......