呵!我返嚟囉~
琴日喺吉隆坡搭傍晚6點9班機返香港
返到嚟都10點半喇!!
搞到1點幾先有得訓...
講返呢幾日先:
10/8 第一日
凌晨5點幾出發去機場
可能因為太興奮
所以唔係好眼訓~
我地搭馬航(以下相片係喺浮羅交怡機場影架,,我地就係搭後面果架機)
架機就嚟飛到嗰陣
我手痕影咗d相
首先係咁>>見到陸地邊..
跟住再近d>>>好大塊地哇!!
落機之後搭旅遊巴去咗神鷹碼頭
個當地導遊叫阿Ben 佢讀自己個名果陣讀咗阿[扁]<-普通話音喎!!
呢個物體位於碼頭範圍內,知唔知係咩呢?~
開估:其實係廁所,,馬拉文Tandas,,讀音[但--他--時]
呢個係浮羅交怡地圖,,都幾大架~~> ^
海底世界也"
條蟒蛇係咪有d似Harry Potter果條呢?
可愛企鵝^^
近距離沙龍照~
仲有好似棵草咁嘅海龍
海底世界出面,,好多車呢!!
呢間就係我地住嘅Pelangi ,,勁多樹,好似喺森林中間起咁(曬到燶)
成間resort總共有51間屋,,全部得兩層,低密度呢!!
屋前的茶座
成間酒店係俾沙灘圍住架,,夜晚行沙灘感覺好正
酒店d人個個都着住泳衣走嚟走去,,當然我地都唔例外喇~
我地間房個露台對住個泳池,,行幾步就跳落去游水lu~
間酒店有超多了哥跳嚟跳去~
仲叫你小心變色龍,,有團友話見到有隻喺沙灘爬嚟爬去
我地夜晚喺酒店度行嚟行去參觀
一抬起頭 見到成天都係星 密集式...
呆咗@@
喺香港係絕對絕對唔會見到架!!
有個疑似北斗星嘅物體
不過唔知係咪
其實果面係咪北面都唔知...
11/8 第二日
我地成團去白沙島游水,,就係坐呢d快艇喇!!
風馳電掣的感覺很正-v-
開船前
白沙島上(有好多水母BB呢!!好似蠶豆咁細粒,,勁多排晒喺沙灘度,好似玻璃碎咁閃下閃下,令><)
去完白沙島游水之後就坐快艇去釣魚
條條都係石斑(不過我釣唔到T T)
個導遊都話喺浮羅交怡海域釣多數都係石斑~
領隊YVONNE第一次釣果陣釣咗超大舊石上嚟
佢仲以為咁大條魚
釣完魚又坐快艇睇人餵麻鷹
船家扔雞皮落水
d麻鷹就飛落嚟擔
嗰d鷹好多都係白色頭橙紅色身嘅
呢個品種係浮羅交怡特有架!!
姐係神鷹碼頭果種^^
酒店嘅夜晚(後面d火把真架,唔係燈膽~同曼谷萬豪酒店一樣))
夜晚食飯果度出面嘅吧,留意d椅,,係樹幹嚟的
12/8 第三日
去咗Coral島浮潛餵魚(其實唔係島,,係個浮喺海面嘅浮台)+睇人餵鯊魚
着救生衣好樣衰==
餵魚-v- d魚係咁湧埋嚟搶麪包,,有d好似塊面咁大條
有團友捉到幾條 佢話d大魚特別蠢 用隻手喺個肚一托就乖乖俾你捉
不過我捉唔到 d魚游得超快...其實係唔准捉架 要罰$$
因為果度係生態保護區 所以唔捉得
我地就係坐呢d船去睇人餵鯊魚=]
鯊魚哇><黑鰭鯊嚟架,,2大3細
之後仲坐埋玻璃船睇珊瑚 見到個海底勁多海膽...
返到酒店發現有條魚咬咗我一啖...應該係用麪包餵魚果陣咬
13/8 第四日
要由浮羅交怡飛去吉隆坡
臨走前喺酒店影相>>
好多年冇打過千秋喇~好開心=]]]
個沙灘又大又令*v*
喺浮羅交怡機場等上機,,留意我後面果個黑布蒙面女人,佢由中東嚟 浮羅交怡周圍都有呢d人
佢個BB嘅眼睫毛好令,又濃又長
吉隆坡機場,,都幾似香港果個
清真寺
首相府
州長府
雙子搭裏面,,係咪好有日本feel呢??
雙子搭外表,,好令啊~
果晚我地住吉隆坡香格里拉酒店,,個lobby好豪咁
間房裏面 張牀好軟架~
14/8 第五日
食早餐個朱古力噴泉,,個導遊話香格里拉嘅早餐係全吉隆坡最好嘅=]
食完早餐去咗吉隆坡塔,朱古力店(有榴槤味朱古力)同錫器廠參觀
喺個塔度影>>
參觀晒就去返吉隆坡機場搭飛機返香港LU~
個機場設計好靚,好似有好多星星咁
行程至此完畢,祝旅途愉快!*
呼~打咗兩個中,,大家慢慢睇,,記住留言啊!!
|
