|
我終於都寫日記啦！！不過呢幾日都冇乜特別事發生過sorry呀各位。我就嚟病死啦，咳到甩肺！今日同個同事傾計,問佢\生仔有幾痛，佢\話隔5分鐘痛一次，仲要個醫生成隻手入哂去摸吓個bb個位出唔出到,諗起都恐佈！成隻手喎！仲要喺入面(了)。噫！入到子官喎！各位唔好誤會，本人並唔係有咗，只係問吓啫。我同輝哥好安全嫁，妨且佢\仲係一個負責任嘅男人嚟嘅！講起有咗我又諗番ｄ好笑嘢！幾個月前個女同事冇m到成個月到問我点算，咁啱我又未到仲遲咗成2個禮拜，所以約埋一齊收工去買驗孕棒。佢\又唔想喺尖沙咀買怕撞到ｄ fd，所以跟咗我番佐敦。嗰陣成10点幾啦，ｄ藥房又收哂，迫於無奈打俾輝哥，諗住問佢\邊度ｄ藥房未收鋪，其實輝哥都知我要買，佢\即刻話幫我買！咁我就叫佢\買兩支啦！跟住佢\剩係買咗一支番嚟，佢\話聽唔到我話買兩支喎！之後佢\又走同一間藥房買，佢\仲夠膽死問人而家買第2支有冇得平ｄ呀？個老細話一支就夠啦，好準嫁！輝哥話我而家要買多一支呀！個老細最後平咗5蚊俾佢\！臨走時仲同佢\講你自己諗清楚啦！輝哥同我哋講番嗰陣我哋笑到pk！！最好笑嘅係當晚個女同事send massage話佢\嚟咗！！支嘢都冇用過！！我就第2朝！！
|
......怕怕ar
