謝志峰趕走一人眾喝采 維園阿叔侮辱同志

【明報專訊】噚日港台《城市論壇》討論極具爭議的同性平權，Emily到嘅時候已經見到有阿叔手持寫住「同性有罪」嘅牌，大喊唔應該畀同性戀合法化。論壇未開始已火花四起，但激辯嘅唔係與會者，而係兩名反對同性戀合法化嘅維園阿叔同主持謝志峰。

事緣兩個阿叔未開始已經不停用侮辱字眼批評同性戀者，又大叫「叫雞合法化」，謝志峰聽到就同佢哋講，一陣節目開始後唔該唔好用啲咁嘅用詞，應該要理性討論；但嗰兩個阿叔無理到，其中一個仲朗讀《聖經》，投訴謝志峰偏幫同性戀者，謝志峰話無，仲話自己有老婆仔女，唔係同志。

到觀眾發問環節，兩個阿叔繼續發功，一個話「慢必」陳志全係垃圾議員，另一個就大叫大嚷，最後謝志峰忍唔住趕走其中一人，現場觀眾即刻拍掌叫好。

4用戶喜歡這個評論支持反對10用戶不喜歡該評論

軒轅氏  •  2天13小時前 移除

先此聲明︰我並非同志！
昨日，偶然看到城市論壇的某一節，看到一個貎似八婆的講者話，中國自古就不認同男男戀，有人就駁佢話，自古就有很多斷袖分桃的故事，佢就話呢啲係皇帝的事，民間唔會有，幾時看過民間有這些問題吖！
呢條八婆其實係白癡！皇帝有斷袖分桃，就證明自古有男男戀呢樣嘢，民間冇，係因為一、佢哋唔係大人物，冇人會寫佢哋入歷史；二、當時社會不認同同性戀，如果民間有人公開性傾向，死十次都唔夠死！
其實，民間真的冇提過同性戀呢樣嘢嗎？錯的，有，但不多，像《金瓶梅》的男主角就是一個又玩女人又玩男人的淫棍，證明民間都是有人喜歡玩斷袖的！
沒有知識而學人上台做講者，我實在戥那條八婆難過！

 回覆