|
今日同AC既同事們去左BBQ,之後仲去唱通霄K tim~今日出席既有Vicky,Mavis,Joe姐,Suzie,嘉嘉,呀翟,馨姐,呀Man,仲有Mavis個fd Josephine同埋馨姐個fd Howard
今晚收獲同驚喜不少呢...1) 我終於都聽到Mavis開金口唱歌 2) 估唔到馨姐鍾意Twins...仲鍾意士多啤梨蘋果橙呢首歌! 3) joe姐竟然會有得玩都唔玩... 4) 嘉嘉唱歌真係唔錯,由其係唱梁靜茹既歌 5) 我終於都親眼見到咩咩咩啦!! 哈哈~真好~
其實...已經唔應該再用同事黎稱呼大家,我覺得...我地呢班係朋友,有時真係估唔到,出左黎做野之後,都可以有玩得埋,傾得埋既朋友...就係因為咁樣,返工先變得有樂趣,再唔係一件苦事,大家一齊做一個job,大家都好撐大家,一齊努力,仲有...一齊埋怨~哈哈...感覺真係好似一家人,有人話我咁返工法係好無謂,但係我卻樂在其中
好...耐唔耐搞多d活動先得~! 今日真係好好玩~~
Mavis一個女仔等左2個幾鐘~真係唔好意思呢!!
要Vicky同嘉嘉兩個女仔去買野先~Sorry呀~下次我會早d~粗重野我黎做~
P.S.
1) 第一次BBQ用腐乳...點完之後...我竟然覺得...甜甜地既! 點解咁奇怪!?
2) 李克勤 - 冬暖夏涼~~哈哈~你幾時頒個獎比我呢~~?
3) 我把聲開始回復了~~呵呵呵~!
4) 我見到有人眼訓到流哂眼水個笨樣~好得意!! 初初真係嚇親,仲以為做咩無端端喊~不過其實我見到你流眼淚果時...我個心有d.......
5) 送左你返屋企之後...我有種好奇怪既感覺...好似又即刻好掛住你!
6) 10月1日呢一晚......算唔算係一個好開始? 希望以後都可以...
 |