|
近期每當我一個人既時間...好鍾意係度諗野...係度胡思亂想...我開始發覺自己係一個雙重性格既人...
係人面前同自己一個既時候...會有兩種唔同既性格同心態...
當我自己一個人既時候,諗野好偏激,好悲觀,覺得好多野都唔會成功,無緣無故心情會唔好,會down...
開始覺得平時係人面前表現出黎既信心,搞笑,識諗野,樂觀...同真正既自己好唔同...
曾經有個fd咁樣形容過我..."你既笑好唔真實,你根本就唔係真係開心...個咀係度笑,但係眼神無半點喜悅....我覺得你只係慣性係人面前做一套喜劇"
當時我既回應係.."你d想像力都幾豐富嫁wo"..但係我而家開始問自己,會唔會真係為左唔想比自己既負面情緒影響到人...而扮成而家呢個我呢?
我似乎已經習慣左照顧別人既感受而放棄自己既感受
壓力其實係人地比我...定係自己製造出黎? 係我自己迫自己埋牆角? 定係我只係亂諗野?
每一晚我都係度諗...諗返呢個2005年係點過...發生左咩事...挫折同失敗有幾多...得到既野又有幾多...
每次遇上問題既時候...自己又係幾咁無能為力
唔知係為左咩野原因...但係而家既我...只係覺得down同唔開心
思想成熟左...處事成熟左...發現既問題多左...要顧慮既野亦都多左...
愈來愈覺得好多野根本就係身不由己...自己亦都無能為力去改變...
原來我既平時既信心同樂觀...只係為左掩飾自己既無信心同悲觀...不自覺扮出來的...
我係一個好失敗既人...對吧?
"如果 一生也被當寶
安穩卻未看到 事實我不好"
"我這麼小小痛苦惱不配被了解"
"可不可 用餘下活著價值 換取珍惜的記憶
即使間 令餘生都消失了顏色 不疼惜
苦心的 得到你哪怕辛苦 命運亦不顧
對你太在乎 沒甚麼抱負 只想這心花不會枯
我要你在乎 沒甚麼真心喜惡 只想彼此都不厭惡"
 |