|
今朝趕到返去簽名ar~太好啦...呢個星期最終有一日係可以親自簽到啦! 歐sir堂...本來又話去赤柱research...結果又冇去到,成班戇居居坐左係課室兩堂...
臨放學果時歐sir過左黎講左少少關於升學既野...大家都灰哂...因為大家都明白讀完呢兩年正形係唔夠ga...仲要去讀High dip...但係如果唔好彩升唔到high dip...就等於浪費左5年間...要由頭從dip讀過...其實佢地都係18,9歲...都唔駛咁灰既...仲有時間比佢地試...去碰釘...
但係我唔同...22歲都黎緊啦...時日無多...已經再冇時間比自己去嘗試...因為我已經浪費左4年...其實諗返起都好後悔冇珍惜之前既時間...返工果年...搵到既錢駛哂去玩...落k,落bar,打機,賭波...除左落得要搵錢還債...同埋俾親戚指指點點既下場,果幾年糜爛既生活對我有咩得著? 當年屋企人肯供我去英國讀書,我冇去到,到今時今日...屋企唔會再對我既任何事support半分錢,而家既我就會諗,如果當時我肯去英國,今日或者所有野都會唔同哂
放左學去左paris飲野,大家都傾左好多野,好好笑,亦都有感慨既...ningning成日都想死...但係佢比起其他人...其實已經好幸福! 呀ming...如果真係可以去留學...你真係要好好把握...如果唔係你或者將來會後悔! 由於開始好多功課做...真係會冇哂時間...cathy開始由返邊份工...轉為諗仲好唔好返工...至於我...冇得揀...我一定要返...因為...
飲完野就去返工啦...第一日正式返AC Nielsen...真係好有系統,所有野都唔亂得,否則只係玩殘自己...咁岩第一日就係briefing day...第一個project就已經幾複雜...對一班新人黎講...真係一份唔容易handle既project,我老細叫Stephanie,真係好好彩...呀然話佢係成間公司最好人既project in charge! 我都覺得佢幾好人...好有耐性教我地每一個細節同埋要注意既地方...呀然仲話呢個department有個好索好索...長頭髮,長腿,20歲既supervisor!!! 有機會真係要見下!!!
原來interviewer真係一份唔容易既工作...除左做interview...事前同事後既工作都唔少...要對個project了解透徹...做完interview又要寫返report同mark返份paper...如果俾錯signal...或是引導錯誤,個respondent答錯左,咁你就白做啦...如果自己miss左question...或者唔夠detail...又係白做,如果個respondent答既答案唔logical而你又解釋唔到...又係白做...唔怪得之...第一句stephanie就話...interviewer係一份唔容易既工作...工作壓力真係幾大...要快...要多...要準...要諗野諗得好快...講野講得好快...仲要唔好出錯...一錯就白做...哈哈...關子已經想放棄唔做...佢似乎受唔住呢種壓力...
放工返到屋企...真係好攰啦...係精神上...
P.S.
1) 希望慢慢做落會慣啦...我諗上左手就會好好多
2) 擔心返左工...d功課點算...我開始做唔切d功課..愈積愈多...
3) 我一定會撐落去...我會捱得住ga!!!
4) 返工做野果時...個腦只係諗點樣做快d,講快d,做多d quota...根本真係冇時間去諗其他事...唔怪得之d人話工作係可以用黎麻醉自己既創傷
5) take緊break果時諗起妳~本來想打比妳,不過我諗妳應該唔得閒~都係冇打到!
6) 唉...唔係幾爽...不是味兒呀...!
 |