|
今日都算早起身,比我老母係咁打電話黎煩,話我d圖書過左期都唔理,又問我而家d錢係咪好易賺呀!!!係咁煩住哂本少爺!!!我都冇佢咁好氣...答左佢一句就收左佢線! " 唔該你唔好為左幾蚊就煩住哂我得唔得呀,你好煩呀!"
收左我老母線我就睇返呢個星期download既電視劇~一次過睇咁多真係幾辛苦ga! 過左冇幾耐,大小姐打比我~~今日同佢傾左幾次電話啦,最長果次2個鐘,可能我地都好耐冇傾la,我地冇dead air!
跟住就出左灣仔攞返部電話...終於整好啦!!! 不過搞埋d死人手續...豁免收多左我個d電話費...搞左成粒鐘...shit!
之後去左4哥屋企打機,shit...winning贏得佢一場...灰~~打完機出左銅鑼灣搵埋nikita,我地3個去左睇《精武家庭》午夜場,套野都唔錯丫~~呀嬌打得好勁~~又靚女wo~~~
睇完戲送左nikita落bar之後,我同4哥去左篤波!!輕取佢3板~~嘿嘿,都唔知幾多世紀未試過全勝佢啦,次次都比佢食住ga平時!!! 4點幾我地就返左屋企lu~
P.S.
1) 睇左頭髮ar,好想快d見到妳個新look~
2) 一搵就搵到妳想知果首歌la...都唔讚下我既,竟然係讚自己搵岩人...吹脹~~!
3) poon先生做咩咁早返hall呀...!!又話出黎劈酒!!??
 |