|
今日返到學校,得3個人返左,Cathy冇返呀!佢唔舒服~
 我就同呀鬼落左去買野飲,自從上次飲酒之後,我發覺自己鍾意左飲ICE呢隻野!個味幾好丫!
飲完支野返上課室,歐sir只係教左個半鐘書! 12點就同左我地成班去Delifrance食lunch! 食完之後,歐sir去左買紅酒!我地食完之後上左2樓飲紅酒...
 仲一路飲一路玩uno! 我同eddy玩15 20 ...佢成日都輸~~嘿嘿...
話左輸左要比人摑,不過我緊係冇啦,我唔打女仔ga嘛~!
 一路玩到1點45分,angela入課室果時得2個人係度,其他人係哂2樓玩緊~
返到去1樓上angela堂,大家都係冇興趣做野!!! 係度講下笑傾下計同埋玩uno!
放左學之後返左屋企放低d野,之後又出過街,約左4哥,ben,同埋poon係時代等! 之後去左打機,玩果個推金幣! 勁lucky!雖然贏左2千幾張tickets
 ,不過4個人加埋用左成百蚊,不過2千幾張tickets只係換到十包紙包飲品!贏果時仲好似抵咁...諗落十包飲品用左成100蚊...有咩咁抵ja!!!
玩完之後去左打邊爐...人參雞湯底...一d都唔好味...我好怕d人參味!
不過個湯底食落又幾清,冇咁口乾...
食完之後又去左打機...40蚊任打2個鐘! 有人挑我玩"大慘事"....輕易贏左~嘿嘿嘿~~
打完機就返屋企la~
行去搭車果時又撞到梅姐! 我發覺佢係我係條街度...撞見得最多既中學同學! 佢話我瘦左..哈哈哈哈!
佢都冇變呀!一樣係咁靚女!
P.S.
1)死人pk ronald...
 send左我幅死人相比Cathy....!!!!!
2)大家新年快樂~~~~心想事成~~~~開開心心!!!
 |