浸會飯堂真係..........

今日放12點半 高高興興落去買飯食

點知 落到去

囧!?

人山人海 出現極不尋常既人龍

分別係 購買部 燒味部 麵包部 常餐部.....

好唔容易買到"飛" 又排左成十幾分鐘隊

我終於買到我碗雞脾飯

問題黎啦

冇~位~坐~~

痴筋架 成個飯堂都係人

D人一個二個背囊攤哂係度 想搵個位坐都難

跟住我就上演....一梵當千

我托著個盤 使出一招"三花聚頂" 輕輕推開左前面既大叔

然後一招"龍騰步" 快步穿過迎面而黎既兩個女仔

一邊保持住輕靈既步伐 一邊觀察有冇目標

然後發現有一個位 正打算施展一招"追星趕月"既時候

之前俾我推開果個阿叔以一個極淫賤既表情閃出黎

搶左我個位!!

啊啊啊啊啊啊啊!!!!!!!!!!!!!!

我好肚餓阿 快D俾個位我啦T口T

駛盡渾身解數 終於搵到一個位可以食飯

WELL.....

正午時間唔可以亂去飯堂食飯Orz|||