今日呀…係一個好重要既日子！就係去睇鄭中基演唱會啦！好興奮呀！

約左大雄去CWB行街先…咦？拖鞋都係度呀…哈哈…咁就四圍行下啦…去食野…去左行I.T.、ADIDAS …阿拖鞋做D野真係好好笑…哎呀…個鞋架係攝石架…哈哈…真係好鬼得意！我睇左好多野呀…但無錢買住呀…++"…之後拖鞋就返工…咁我就同大雄繼續行…(大雄︰你D TASTE真係唔錯呀下！)…又食野…終於夠鐘啦…開SHOW！

8:45先至開始…我地個位真係都幾鬼山頂…哈哈…去TOILET太方便啦…一開場真係勁興奮…佢話自己等左咁多年終於都可以講:"山頂既朋友…你地好呀！"(<<明顯係稿！)…首先係<龍咁威>啦…勁好笑…又係扮晒警訊…跟住就係咁唱、係咁唱…佢阿爸鄭東漢都有出場呀…雖然滿頭白髮…但都同佢夾下BAND…原來係結他手！嘉賓有張達明、張學友！學友唱得真係無得頂！(雖然我最希望睇既嘉賓唔係佢)<左右為難>好正呀！張達明落台搵FANS上去伴鄭中基舞個PART真係好笑…但可惜嗰2個FANS真係太SHY啦…唔識郁咁…晒料呀！^^"要佢地2個伴返轉頭…勁好笑！不過最有GIMMICK都可算係鄭中基唱<可惜我是水瓶座>同<二人世界盃>啦！佢仲跳晒舞TIM…哦…原來阿SA同阿嬌都黎左睇呀！(SURPRISE！！！乜唔係去左第二度做野架咩？！)嘩！好明顯係公開左咁呀！所以呢…D FANS一D就大叫<阿SA>、一D就叫<千嬅>…哈哈…真係睇得出鄭中基個樣好似好尷尬呀…哈哈哈…到左11點就話完…咁梗係有ENCORE啦！ENCORE出黎唱<無賴>呀…仲有…唔記得TIM…++"

~我覺得今次CONCERT好似比起其他ARTISTS感覺好唔同…真係賣歌…我發覺黎既FANS唔係太"口靚"妹…有一家大細TIM…所以我覺得感覺上好似無咁嘈…我留意到鄭中基全晚D衫多數應該係Y-3的！(如無看錯的話)好LIKE佢個條綠色三黃間褲！勁SHARP~不過佢ENCORE出黎著個件白色套裝就顯得佢太＂板＂啦…勁瘦囉…ＡＮＹＷＡＹ∼我真係感受到咩叫《繞樑三日》既感覺…佢唱ＬＩＶＥ真係超正呀！佢把聲真係好厚…剛柔都得…靚聲王！佢唱既歌好多都收錄係新碟度架！ＥＲＲ…我諗我遲Ｄ會買佢呢隻演唱會碟者…今日聽完真係有滿足既感覺！開心！

∼我今日講得最多既應該係︰＂好搞笑！＂同＂好正呀！＂…哈哈…

∼我已經比人話左好多次︰我諗你已經由歌迷變左做ＦＡＮＳ啦…

Ｐ•Ｓ︰大雄、ＱＵＥＥＮＩＥ…下次要去睇丫…睇４００啦…好啦…一於咁話！哈哈…