今日戴住口罩返學(一來腫…二來入面聯左針，怕入菌)…唔知點解硬係好似形住有D奇異目光望住我囉…返到學校仲衰…比JACKIE笑我"倒夜香"…我真係"O"晒咀…比唔到反應…++"不過D同學以為我係有病囉…哈哈…仲有呀…負心人不易做吧？！@____@

晏晝去左飲茶…好耐無去咁…W/JEFF、REANNE、GINNY、TRACY、FANNY同SUKI…D流沙奶黃包我覺得似普通既多D囉…D野食OK既…但可惜我唔食到咁多野啦…見到佢地食雞翼好正囉…不過太熱氣啦…D桂花糕又怪喎…不過個D咩"炸蜜瓜奶"真係太遲先黎啦…要上堂食唔到嚕…

~事實係殘酷的！應該算是不幸中的大幸吧？！

~ 劉以達…你好野！SHIT~~~~~~~~~~~~~~~~~~~~ 唉~無MOOD！唔想再提…簡直係污點呀！！！

~My heart is falling down.  Don't ask me why.  I am very angry and confused.  Can anyone tell me the reasons???Oh~my god~

~呢幾日…係度諗緊自己係咪應該改下個英文名呢？(COZ 嬌SIR好似講過幾次吧！)其實有幾個我係好BUY的！但係我個呢個英文名用左有十年架啦喎…++"

多謝關心過我既朋友…(我以為無咩人睇到咋、開心睇到你地既留言)…尤其係當你地知道左我剝牙就send msg比我…(而不知者就另計吧…不知者不罪麻…)尤其多謝…

~QUEENIE、朋友仔、阿CARR、阿龜、大雄、JOANNA、小穎穎…

~朋友仔︰知你錫我啦…我唔會喊架啦…因為我聽到有人話請我食雪糕囉…係唔係架者？！^^ANYWAY…唔好做得咁殘啦…UM…我諗我有時諗野真係期望高左…我諗我識得分嚕…呢個世界你點對人、人點對你架者…係咪？！學小Q話齋︰唔值得我唔開心丫…算數啦…

~阿carr︰我今日都無返到學…ARE U PLAY ME？！…++"…爭住數呀…我要幸福…

~阿龜︰你遲d都會咁？oooo~真係好痛苦架…++"…叫阿卡買定幾桶ICE-CREAM比你吧！

~大雄︰thx你支持我呀…等我好返去玩呀…得閒多D打下日記啦…你知我好八架麻…

~JOANNA、小Q、小WINGWING…THX 你地既MSG…

~等我聽唔到大佬宇同阿昌既電話TIM…希望唔好怪我啦…++"

好奇怪…點解你地咁LIKE叫我剝完牙去食ICE-CREAM？哈哈…其實唔係普通剝牙…其實真係食唔落野架…ANYWAY~我諗我拆左線後會好D既…

訓左十幾個鐘…無返到學…

尋日去左剝智慧牙…真係未剝已經"熬底"…可能真係試過所以更緊張吧！不過真係好好好貴呀！我諗我應該出返D既…唉…我買野既SCHEDULE又要放低啦…返到屋企…過左麻醉藥…真係超級超級痛…係痛過上次好多…我其實好忍得痛…但今次痛到成個頭都痛…真係痛到喊… 痛到訓唔到晏覺…係講唔出有幾咁痛！打去同姑娘求救…不過個姑娘好好人呀…打幾次電話黎問候…^^"

總之今次就係好痛啦…塊面腫左…講野都講少左…仲有2隻…唉…又唔知幾時再剝了…++"

~多謝佢地的問候…(有Ｄ我唔講佢地都唔知TIM)…︿︿

~尋日終於都同小穎穎一齊返左工…好搞笑呀…佢真係好傻好傻…++"

~今日返學…又知道不幸既消息…妖~聽日無端端要返GREENIE…仲要係得2個鐘TIM…星期三四仲衰…返1個鐘…死得啦…搞乜呀…++"…問返D COMMENTS…先知我地係佢地心中係咁無用 …我無野好講… 自問我地有PREPARE…只係阿SIR中途變陣…隔離CO-TEAM又五時花六時變…D FOOD呀…材料呀…好多都唔MATCH 個RECIPE囉…灰晒…鬼叫我抽中BUFFET咩…又多野搞…++"…唉…之後煎妮又傳黎惡秏…OOO~我地真係"O"晒咀…死…未… …今次出餐…以為好SMOOTH…點知原來係咁…唉…算啦…又當係一種體驗囉…

~知道嬌SIR唔再教…好怪呀…我都覺得佢唔錯丫…唉…又交比第二個教…不過佢叫我改名…我真係要慎重諗下…好難改架喎…叫慣左啦…(但無理由架…我個MISS話係睇書睇返黎架…)

~今日返工…一返到去唔知做乜鬼又鼻敏感發作…勁辛苦…又流眼水鼻水…++"

~聽日好有可能剥呀…SO…唔去打邊爐啦…唉…又成個月唔可以唱K…不過都好…可以係當減下肥囉…哈哈…

~哈哈…知道左人地拍拖…開心呢…SWEETSWEET啦…你就正啦…JERRY…恭喜恭喜！

今日真係一個好日子！晏晝去左唱KK…好似都有幾個WEEKS無去啦…約左2 PAIRS孫氏伉儷…真係好搞笑…得我係單丁左…++"我都唔知自己想點…哈…好似好大個燈膽呀！

點知…可能遲左囉…NEWAY係無晒LUNCH嚕！仲要開頭係咁改人數…我都真係"O"晒咀…之後唯有去GREEN BOX囉…仲要係五個人先至有K LUNCH喎…好彩夠者！但係唱到3點咋…是但啦…我都係為K而K者…間房雖則好大…但……個地好"痴立立"呀…一定無拖過啦…TOO BAD~~但係38蚊真係算抵…好耐無同過阿卡、阿龜唱啦…阿卡都唱得唔錯…有感情麻;阿KENN就梗加唔使講啦…好呀…尤其唱側田既…超正！我真係聽到拍爛手掌… 唔做DJ真係浪費晒！至於今日我…咦？唔知點解今日咁快開到聲喎…MAGIC呀！我真係好鐘意唱歌架！哈哈… 不過真係唔多夠喉…咁少時間…

之後就同佢地散啦…我就同CATHY去左JOIN 煎妮踩冰…嘩…個場勁多人呀…車~平時又唔見咁多人喎…不過一場黎到…咁就入去啦…唉…唔識踩呀…咁人地要扶住側邊行一排先出到去架麻…點知鬼咁多人係側邊都唔知做乜！阻住晒！有個大叔勁騎呢…係冰場扮蟹呀咁溜呀…又左穿右插…知你勁啦…但都唔使咁樣SHOW OFF呀？！我地睇到"O"咀兼笑晒口囉…煎妮同佢個FD都唔錯…2個好快走出去啦…我都好想咁樣…但奈何溜左一陣咋…咁咪拖住"WE 嘩鬼叫"既CATHY出去一齊溜囉…點知溜溜下既時候…有個旦散係我地手同手中間溜過喎…玩野咩…++"總之今日個場就係迫迫迫迫迫啦…><"

走時…去左食我愛的格仔餅…飲蜜瓜汁…都幾好味喎…原來新鮮既真係FRESH D架…愛上了！

~死火啦…連阿龜都話我肥左…哎呀…

~SHIT！我隻牙真係痛痛地了…