今日係我第2日既exam
今次呢份應該會好過第1日果份
因為呢科個miss有俾tips

今日考完之後
我就淨低1科
呢科係23號考
考埋呢個
我就有幾日假放
直到29號先番呀
期待中...

哇
好似好耐都冇接放學咁喇
緊係啦
佢考試果2個星期唔駛人接
之前既星期我又趕做報告
日日放學番到屋企都已經食飯咯
不過幸福既日子果然係唔長久既
今日我就要接佢放學
原本我已經有心理準備
所以都冇咩野既
點知原來佢今日有週會又唔出聲
搞到我呆呆咁企係佢學校門口到等左半個鐘
真係食屎咯
已經得番1日黎溫聽日果科架啦
仲要因為佢浪費緊d時間
依家仲要我浪費多半個鐘

今日係我第1日exam
對自己完全沒信心
因為唔識既多過識既
我依家只求合格
因為唔合格既話要補考
補考要交$100大元
而且仲深過之前既
so..
我唔可以肥架
如果唔係就會冇左資助架喇
希望mc同t/f兩part既分夠合格啦

今日好瘀呀
考試時要將身分證同學生證擺係枱面
考完就可以走
而我居然唔記得左拎走
遺漏左係果度
大概20min後
我先發現
即刻跑番去
我一入去個人就知咩事喇
都唔駛我講
唉!瘀爆!

最後既柑果然係落係我身上
不過那個有點酸

阿媽又買左d柑番黎
我又可以食lu

我細好拎左佢店內既野食番黎
係芒果啫喱
正

啊!
聽日考試喇
完全唔知自己溫左d乜
d notes又未睇晒
睇左果d又唔知自己睇左d咩
記得d咩
都唔知聽日仲記唔記我添架
我唔要肥佬呀

最近睇報導話香港既隱閉青年多左好多
睇番d特徵
我算唔算係半個呢
不過我諗我依家唔算
以前既我仲似係啦

我決定等我考完試之後
換左個日記標題,背景,圖像同分享
話唔定連日記內容都同平時既唔同喔

"一日一柑"
我呢幾日都1 日食1個柑
d柑真係甜
今日果個仲得甜
but歡樂既時間總是過得特別快的
d柑淨低最後1個喇
唔知呢個柑會唔會落入我肚中呢

仲好想每日1柑呀