６月１８日

今日乜都唔想打．．

岩岩上左人地個日記到睇到ｄ野∼．．幾攪笑．．

不過你地唔好信晒．．唔係個個都係咁嫁．．

最起碼我就已經唔係全部都係咁

希望你唔好介意我ｐｏｓｔ你日記ｄ野上黎．．

ｆｒｏｍ：心裡日記

在咩路dee的日記中，看到一個「50男生要女生知道的心事」list，很有趣的樣子，紀錄如下：

０１）「喊」即是威脅我。
０２）我唔會每秒鐘都掛住你，你要接受這事實。
０３）我見到靚女一定會望，這是天生的。
０４）我係鍾意 SEX 和有性幻想的。
０５）不過胸太大或胸圍太硬都幾得人驚。
０６）我唔講野唔等於我唔愛你。
０７）你最好都有自己的目標和理想。
０８）你著乜都好睇，真的（因為我未必有留意）！
０９）唔好問我覺得你靚唔靚。
１０）我對你用甚麼化妝，護膚品無興趣。
１１）唔好迫我塗潤唇膏。
１２）唔好期望我會在返工或上堂時間 CALL 或 SMS 你。
１３）好多時答 YES 或 NO 就夠了。
１４）「唔知呀，你話啦！」唔係答案。
１５）如果你日日都因為 M 而情緒波動，唔該你去睇醫生。
１６）如果我講ｄ野令你覺得有兩個解釋，其中一個會令你好傷心，我地其實係想表達另一個意思。
１７）唔好無病呻吟，你最好相信《狼來了》的故事。
１８）你一係就話俾我知你想我幫你做咩，或者點樣可以完成。唔好又叫我幫你做又要教我點做。
１９）十二歲以下的女孩才有權扮 CUTIE。
２０）可以的話，自己換麥當勞送的公仔。
２１）手袋可唔可以唔掛「啷啷」，毛公仔？
２２）可唔可以唔同我討論電視劇同 HELLO KITTY？
２３）唔好叫我幫你挽手袋。
２４）唔好批評我的兄弟老友。
２５）大庭廣眾怕醜、唔出聲不叫斯文。
２６）唔好成日話「我ｄ friend話咁咁咁」，你d friend 點諗，關我咩事。
２７）盡量不要將我地拍拖的細節亳無保留地話俾你d friend 知。我都想有私隱權。
２８）除左我，你還有其他興趣或嗜好嗎？
２９）有無一樣運動你懂的呢？
３０）你可以唔識打機，不過最好俾我打。
３１）我唔使減肥，所以唔好阻止我食 JUNK FOOD。
３２）唔好要求我做道明寺。
３３）溫柔不等於依賴。
３４）爽朗不等於無禮貌。
３５）腌尖聲悶不等於高貴。
３６）無主見不等於尊重我。
３７）遲到不等於多人追。
３８）你打扮得太誇同我去街我會驚。
３９）不要偷偷在我的文件或功課上貼 CUTIE 貼紙。
４０）雖然我未必睇到，但內衣最好光鮮乾淨。
４１）最好不要日日作 OVERSIZE 的 HIP HOP 的打扮。
４２）無必要不用穿得太性感。
４３）是不是任何時候任何場合都需要化妝？
４４）唔好三句唔埋又話要減肥。
４５）不要在公眾場合怪叫或大驚小怪。
４６）不要 CHECK 我電話的來電顯示。
４７）我都會有女性朋友。
４８）我唔想知你同你舊男友的事。
４９）你都最好也不想知道我和我舊女友的事。
５０）我想講 I LOVE U 的時候自然會同你講。

把以上問題都問了大朋友一次，不知道是不是因為是我兜口兜面問的關係，大部份他都不同意（藍色字為大朋友同意的項目），如果在我不會知道答案的情況下他自己做的話，可能結果又不一樣。

好在他同意的，我也同意﹔他沒意見的，我也覺得他最好不要這樣想，要不然…我會打死他！

女生們，試問問你身邊的男生以上有幾多是他們的心聲吧﹔男生們，也試試做做看看有幾多同意，但最好別讓你女朋友知道喔！

至於女生的50個心事，有空我會想想看！

昨天POST過「50個男生要女生知道的心事」後，今天花了個多小時，嘔心瀝血地寫下「50個女生要男生知道的心事」，紀錄如下：

０１）我「喊」，無論是否你的錯，你都一定要哄我。
０２）我都唔會每秒鐘都掛住你，大家咁話。
０３）我見到靚仔都會望，這也是天生的。
０４）我「哦」你都是因為我關心你和緊張你。
０５）你唔使係有錢仔，但最好都有比較遠大的目標和理想，在未來有成為一個有錢佬的可能。
０６）同我出街時，可唔可以梳番個頭同剃鬚？
０７）我知我唔係全世界最靚，但我希望你覺得我係，時不時要讚我人靚歌甜樣靚身材正可愛溫柔同得意。
０８）當我剪了兩吋頭髮打了少少眼影穿了對新鞋時希望你會留意到。
０９）所有大時大節紀念日同生日，你必須全部都記得。
１０）我所有濕濕碎碎野都好想同你分享，例如我用咩化妝品同護膚品，雖然你未必會明，但希望你會扮聽。
１１）當你滔滔不絕地發表你對工作細節電腦軟件NBA英國足球聯賽等等的意見時，我其實也是在唯唯諾諾地扮聽。
１２）得閒做下磨砂同黑頭鼻貼，否則我會在凝望你時不自覺地望住你鼻上的黑頭同粗大的毛孔。
１３）你臨訓前可唔可以刷牙？
１４）你唔需要好靚仔，但一定要乾淨。
１５）我 M 時係大哂，可以大條道理發脾氣，你最好一個月忍我幾日就哂我。
１６）我會假設你懂得操控及修理任何電器，包括電腦相機電視機錄影機及HI-FI等等。
１７）有很多事我並不是不懂得做，只是不想做就扮唔識。
１８）每日去任何地方時都要 CALL 話比我知你位置及同邊個一齊，比我清楚哂你的行蹤。
１９）同一個笑話同話題，可唔可以盡量唔講得多過廿次？
２０）我發脾氣CUT你線，其實係想你即刻打番電話來再哄我。
２１）如果迷路時，可唔可以快快趣趣向途人問路，唔好逞強拉住我走來走去行好多冤枉路？
２２）我唔介意你有少少肚腩，但盡量唔好太肥，亦唔好比我瘦。
２３）太大隻既肌肉型男人一D都唔MAN，係好驚。
２４）我會好介意你有一Ｄ有不良嗜好的「兄弟老友」，認為佢地一定會帶壞你。
２５）在我的朋友面前，我希望你可以表現得比平時更錫我同緊張我。
２６）我煮飯比你食時，你唔可以覺得係奉旨，一定要「話」好食。
２７）琴棋書畫各類運動唱歌寫文章當中，希望你最少會有一樣好叻（打機唔算），其他最好樣樣都識少少。
２８）你要欣賞我的工作。
２９）大男人唔等於霸道。
３０）溫柔唔等於無主見。
３１）瀟洒唔等於無交帶。
３２）不羈唔等於烏where。
３３）我鍾意你努力工作，但都要盡量抽時間陪我。
３４）唔好成日問你約會去邊度好都話「是旦」，咁唔叫就哂我只係表示你無心思。
３５）如果我有朱茵的身型，我唔介意穿得像個性感尤物。
３６）如果我同你講話要減肥，其實最想聽到你同我講：「你一Ｄ都唔肥，唔使減啦，我鍾意咪得囉。」
３７）我跟你說話的時候，唔知點解聲音會比平時嬌嗲同低Ｂ。
３８）CHECK你電話的來電顯示是我的嗜好之一。
３９）你最好唔好有任何女性朋友、紅顏知己或契姐契妹之類的物體。
４０）我有男性朋友係好正常。
４１）我希望你的女同事全部都是師奶呀嬸醜女或肥婆。
４２）我好有興趣去知道你同你舊女友的事，愈詳盡愈好。
４３）我有時都會掛住舊男朋友、以前暗戀過的男生、華dee梁朝偉同藤木直人。
４４）無論拍左拖幾耐，我都渴望你時不時比Ｄ驚喜我。
４５）你要時不時對我講「我愛你」，否則我會假設你唔愛我。
４６）**wait for u**
４７）**wait for u**
４８）**wait for u**
４９）**wait for u**
５０）**wait for u**

以上的，其中有部份是我自己的心聲，有部份則與我的故事無關，純粹是我認為女生會有這樣的想法。 （同意呀∼呵）

我認為這個「女生心事大全」還是不夠好不夠全面呢，我先寫四十五項，餘下五項女生們的心事，留待你們來告訴我。

想不到前日日記post的「50個女生要男生知道的心事」引起很大迴響呢，收到好幾十個ｅ喵，都是忿忿不平的女生們要求平反的。一時間，覺得遊樂場變得很熱鬧呢∼

說實的，自從關掉留言冊後，雖然網站的瀏覽人數並沒有減少，雖然每天也收到不少電郵仔（跟留言一樣，仍然是覆來覆去都覆不完>:D），雖然覺得自由多了輕鬆多了，但有時候，也會覺得有點冷清。尤其是有些從前經常留言，但自從沒有留言冊後就了無音訊的網友仔，想起就有點失落啊（索鼻）！還當我是朋友仔的您、你和妳，偶爾也給我寫兩隻字，說些廢話聊些八卦交換一下近況吧！

說回我們的女生們心事，因為金句實在太多，以下就輯錄一些比較有共鳴的吧！

４６）十二歲以下的女孩才有權扮 CUTIE，其餘年齡既女人有權有CUTIE既性格！（魅紅）
４７）你要比時間同機會我去了解你，同埋唔好成日口口聲聲話冇人了解你。（CATHY FOK）
４８）只有我可以話自己好醜樣，你一定要話我靚，係我謙虛先咁講。（秋仔）
４９）（回應：＊不要在公眾場合怪叫或大驚小怪。）不要在公眾場合向我呼呼喝喝又或是撇下我一人。
５０）（回應：＊＊最好不要日日作 OVERSIZE 的 HIP HOP 的打扮。）最好不要作MK LOOK的打扮，也請不要穿冒牌衫。
５１）（回應＊我唔使減肥，所以唔好阻止我食 JUNK FOOD。）你唔使減肥，但我唔想第時你心臟病、血壓高、爆血管時埋怨我以前點解唔阻止你食JUNK FOOD！
５２）（回應＊大庭廣眾怕醜、唔出聲不叫斯文）大庭廣眾粗口爛舌唔係叫有型。
５３）（回應＊你打扮得太誇同我去街我會驚。）你完全唔打扮同我去街我仲驚。（PEACHY）
５４）我做錯野果陣教訓我唔緊要，最重要係之後會哄返我同錫返我。（呀ｋａ）
５５）雖然已經有左你，但我都仲想有人追。（阿汶）
５６）我希望你可以將我送比你既野或我既相隨身帶住。（光希）
５７）我唔介意你面油多，但請自備面油紙定期清理面上油漬。
５８）我發爛渣時說不要再找我，其實不是要你不找我，而是要你哄我。（小山）
５９）其實我經常將你身邊的女孩子比較，是想你讚我比她們好。（don301）
６０）我o係街發脾氣行左去，其實係想你跟得我貼ｄ同快ｄ上前哄番我，唔好要我係ｄ轉角／反光物件上裝你仲係唔係我後面，最驚就係你走左去唔跟。
６１）口是心非係我既專長，尤其發脾氣時大多數係假話，唔去即係去，唔要即係要，唔好即係好。
６２）發脾氣時要即時哄番，唔好比時間我冷靜下，其實我完全唔需要時間冷靜。（結他鼓鼓）
６３）我講過鍾意0既野，你唔使全部都送晒俾我。但起碼0係特別0既日子送其中一兩件俾我，俾我知道你有將我講過0既野放上心。
６４）成日遲到，因為見你時想扮靚d而遲左出門口；成日話減肥，唔多唔少都係因為你。（Sandy）
６５）我"MUM憎"果時唔可以"MUM憎"過我，最好係溫柔咁唔出聲攬住我，等我"MUM憎"完之後哄番我。（CATHY POON）
６６）女朋友講既野最好要大致上記得，唔好求其扮聽到。
６７）可以陪自己既朋友但一定要重色輕友。（catcat）
６８）我說有一首歌很動聽的時候，希望你會留意歌詞，因為其實我是想憑歌寄意。
６９）我check 你的來電顯示，是因為我對自己沒有信心。（KA KA）
７０）未經我同意最好唔好買衫比我，我自己揀衫會開心ｄ。
７１）當你做完運動（跑完步ｏｒ打完波），唔該你唔好走埋黎攬住我，你陣汗味好臭。
７２）購物是女人的天性，請不要阻止或對我的購物行動有甚麼意見，最好間唔中資助下我 
７３）我唔介意做你的dup骨妹，但我也有疲累的時候，我都想你做我的dup骨仔 
７４）在你的父母面前唔好話我唔識做家務。
７５）我煮完飯唔該你去洗碗，我掃完地就到你拖地 。（衫）

一連看了幾百則女生心事，有點頭昏腦脹。即使我自己是女生，也覺得有些要求真的有點野蠻耶（如：我要大哂、只有我可以嬲你，你唔可以嬲我！^^"）世界上沒有完美的男人或女人，或者那些小小「心事」，其實是我們對完美對像的心願。即便男女大不同，只要肯心平氣和去溝通與包容，相處，也不是那麼難吧！