因為12點半要學琴,

我亦都決定今日同miss講我唔學喇!!

我同佢講既時候,

佢反應唔係好大,

仲話要再學就搵佢啦咁!!

學完差唔多1點半,

等到媽咪2點放工,

我地就去食野,

我地去左pizza hut攞票,

之後我地行左去實惠睇野,

返返去pizza hut就有位lu~~

但係個位我地唔鍾意,

咁就唯有等多一陣啦!!

等左大約廿分鐘,

都未叫我地,

所以媽咪忍唔住走左去問佢究竟有位未呢??

之後侍應竟然答佢,

你過左喇喎~~

要再攞過票喇!!

跟住媽咪就好嬲咁同個侍應講頭先係因為個位我地唔鍾意,

所以我地先再等喳喎~~

你而家就話俾我知要從頭等過,

你地點做野嫁!!

之後個侍應就話,

唔好意思,

因間補返俾你,

終於有位喇~~

呢個位我地好滿意,

仲食到我好飽,

好味道呀......................^^