當然要播黎睇下啦!!

點知超疾囉~~

連d秒數有時都會跳黎跳去,

我第一次睇到咁既情況果時,

我以為係隻碟有d污糟,

所以我拎左出黎整返乾淨佢,

點知再入多兩三次都係咁,

之後我再攞其他出黎試下啦~~

冇咩問題喎.........

等到呀媽返黎,

我同呀媽講,

佢話聽日拎返落去間碟舖果道叫佢試下啦!!

跟住今日食野之前我同媽咪拎左去,

佢即場播俾我地睇,

一d問題都冇囉!!

仲有呀..........

原來前面仲有一d hotcha既排舞片段嫁~~

但係我屋企果部DVD機冇播到囉...........

咁冇辦法,

冇得換過第二隻碟,

既然係咁,

就姐係話係我地屋企部機既問題嫁喇喎!!

跟住問過家姐意見,

佢話而家屋企果部可能係差d,

老豆買嫁嘛~~(不過其實呢部機係係大陸買嫁!!可能淨係播盜版比較好,我果隻係正版啦當然)

估唔到媽咪竟然肯即日買過第二部DVD機喎.........haha

不過都唔係好貴姐!!

係飛利浦既,

應該ok,

不過未試,

所以唔知係咪真係播到,

希望播到啦!!