N日無打日記lu~~

今日打番啦!!

今朝訓到11點幾先起身啦

之後喺到挽電腦啦.....上香港討論區down歌啦

11點9開電視睇"青出於藍"啦

睇完之後挽多陣電腦就去咗洗頭啦

洗完之後就去咗做功課啦....做唔夠1頁angela就打黎囉=o=

之後就喺度同佢傾啦

傾到兩點幾到話去領身分證啦.....咁咪去囉

兩點10到出門口啦......落到去等咗佢3個字到啦

佢黎到之後問我有無帶之前嗰張身分證喎.....我話無帶啦

點知佢話要帶喎....咁我咪番番屋企拎番囉

之後我地出沙田希爾頓睇"戀愛初歌"啦

去到睇4:05嗰場啦

買完飛之後見總有時間咪喺嗰度行咗一陣啦

之後就去m記買咗個餐入去食啦

入到去啱啱好開場囉

套戲都ok好睇啦....都唔錯既

睇完之後林住睇下幾多點啦....點知一睇係5點8囉...嗰陣勁o咀囉

咁我地咪即刻衝去火車站搭車囉....好彩去到趕到嗰班車咋

去到上水己經6點1啦...點知落咗車之後我同angela兩隻腳都勁軟囉唔知做咩

搞到我地行唔到快囉=o=

去到嗰度好彩有得領咋....幾驚無得領呀

領完之後出去搭lift啦....點知搭咗部壞lift囉

部lift唔知做咩無啦啦唔郁喎....一路停留喺嗰層囉

吓鬼死我地囉....好彩禁禁下就出到去啦

之後就出番去搭嗰第2部啦

之後去上水嗰間商務睇下有無書買啦

點知嗰條友話要去番大埔嗰間分店先有得買喎

之後陪angela幫佢呀媽買牛油筒啦....好彩去到有得買咋

買完之後就搭車番大埔lu

番到屋企7點幾到啦

之後就沖涼,食飯,睇電視嗰啲啦