早上起身,無乜點打喊露

精神左@@,

唔知道係咪真係精神左

所以做卷時,好似個腦轉得都幾快

第一份reading,有三篇,一個鐘做

平均每篇要....20分鐘

就係話一過20分鐘就要轉另一篇

但係做做下都唔使咁樣做...

因為第一篇同第二篇都好短,唔洗廿分鐘就搞掂

另外第三篇較長,可以有足夠時間慢慢做,

令我開心係,我明白晒三篇講乜

又答到d問題,提早在完結時十五分鐘完成

"唔通我係天才",(我心裡對我說:你係天生蠢才就真,有時間不如你睇返有無做錯或者做漏啦)

作文方面,好意外.....

我可以話係三年第一次可以作超過限定字數

超happy,我有信心合格...

但係第一篇(100字)就有d唔掂

就好似"英雄深入火場,拯救了四個人,

超人深深咁吸了一氣,一吹就把整場火災撲滅了,

幾日後,香港市長頒了個獎比英雄以表揚他的英勇行為,

觀眾都拍掌和歡呼"

唔..........諗到,但係寫唔出

有好多字唔識寫,超超超..........0rz

考完試,約珏杰白bo去食韓國燒烤

差唔多食完的時候,竟在鐵板上倒上油

把一片雞肉扔在油上,綘一聲,火焰包圍著雞肉

變成了一個火球!!

---------------------------

下午五時去大埔墟體育館踢毽

踢完去食仙茶居,飲左杯珍朱奶茶

記得有次晚上喝了,卻換來一個失眠的晚上

那時是中一,四年後再喝

希望能打破宿命,還是失眠夜@@

明早七點至十點踢毽,超早

所以都要早d睡,明天晚上要比賽

"公平競爭?,明爭暗鬥?,還是有競爭才有進步?"

"每個人都要有野心,無就等如無作為,人地會睇你唔起!"

今朝一起身

哇,好凍,衫...衫...

由於太凍的關係,在背脊貼左個暖包

看一看新聞,20-22度,也就是18-20度吧

叮左個肉醬意粉食,阿媽話,朝早食咁高熱量的野得唔得嫁...

食完,好暖,好飽=v=,諗住可以頂到下午食飯,

但係到小息都係好餓orz

下午落樓下食,買左個三文治比珏

返上六樓課室,很驚險

一樓有班主任,二樓有sandy,三樓都有@@

幸好有雞脾的配合,終於可以把三文治安全地送到珏手上

放學補中文,講下中文會考卷d野

由於明天要考試,要清理櫃筒

書包都執得滿滿的,手上也有一大疊,好重

晚上,十點訓,為明天準備

以為明天考中文,但睇返先知明天考英文-口-