今日返學，歐陽永聰同石澤銘搬返去佢地原本個位度，好彩∼！

頭一堂英文，我地開始排劇，好快就過咗一堂ｌｕ∼∼

ＩＨ堂我地係度抄劇本，ＭｒＫＫＬｅｅ一黎就同我地講話坐係後面個ｄ如果再係度搞野唔聽書就罰，但係始終咪又冇－－”

上音樂堂教唱新歌∼

上數學堂既時候，老師叫人出去做題目，但係嗰幾個人都係做做下走返埋位，老師就話「你地一個二個都做做下唔做晒就返埋位，咁唔負責任」∼聽到佢咁講，我地就係度笑，「做做下」……「唔負責任」……好似講嗰ｄ野咁……估唔到上數學堂都會聯想到嗰ｄ野……

放學之後留係學校排劇，雖然我冇份做，但係都留低∼

歐陽永聰做白雪公主，佢做得超搞笑，又係度扮《飛越大長針》個「衰尚宮」講「唷」，笑死我地∼∼∼

翠做白馬王子，華、澄做後母同巫婆，先母同ｋｉｎｇ就係秀ｍａｙ同大力彤做

七個小矮人分別由黃ｃ聰、馮家傑、馮達ｘ、李家銘、蘇駿、陳漢良同鄭翊希做∼

ｍａｙ同大力彤嗰幕做得最好∼！大力彤好搞笑，一路講野對眼就係咁係度貶∼∼

放學之後同黃ｃ聰去大中間大眾買野俾黃樂軒，翠同朱朱佢地要搵歐陽永聰俾返份稿佢，就跟埋我地一齊行

買完野之後我、翠、朱朱就遊咗個圈就走∼搭Ｋ１２返火車站

走之前係７仔見到有佢地呢幾日玩嗰ｄ類似泥膠既物體，扭咗個青色既∼

夜晚去姑媽度食飯，今日有豆苗食，我最鍾意食架∼！！！

煮咗好大碟，諗住會食好多啦，但係食食下被我發現咗條菜蟲，搞到冇晒胃口

上次出街食早餐又係咁ｗｏｒ∼！嗰次嗌咗碗麵食，食咗大約一半，見到條菜蟲，搞到我冇晒胃口，剩返成半碗係度－－”

好乞人憎呀∼！！！

係我表姐發現咗個「精 神 年 齡 鑑 定」既網址：http://hk.geocities.com/ringo_rainbow/age.htm

鑑定結果

您的精神年齡18歲

與您實際年齡差6歲

幼稚度56％

成熟度36％

－－”

今日返學，未做聖經，拿拿聲做埋佢＠．＠

上聖經堂，個老師超煩∼！！！成日話超過５個唔帶野就全班肺

我整佢個肺∼嗰５個人唔帶野關我地乜時呀？！∼煩到佢∼！不過今日有４個冇帶，未到５個＝－＝

仲有個壞消息，就係聖經個老師叫秀ｍａｙ、徐紫珊同歐陽永聰、石澤銘佢地掉位

救命呀∼！！即係要佢地兩個口水怪坐係我同華前面，以後想過好日子都難＞．＜

上ＩＳ堂係度做實驗，唔知點解今日上ＩＳ好似眼訓ｄ咁－－”

最後兩堂英文堂，兩堂都冇教書，超正呀∼！！！

老師同我地講話下個星期２個英文活動有比賽，我地做「歌舞劇」……

做《白雪公主搞笑版》－ｖ－”得嗰幾日俾我地準備，又唔早ｄ講ｗｏｒ＞．＜

放學之後我、華、翠、澄、琪＆儀去咗新達樓上個公園寫稿（不過好似係玩多ｄ……）

其間見到大姐夫（曾嘉榮），我本身見唔到佢，佢行過我都唔知∼不過我一望過去佢嗰邊時，見到佢背面，就諗「咦∼點解咁熟面口既？！」咁啱佢又望返轉頭，先確認佢就係大姐夫∼

一見到佢，我就即刻行到佢度，問佢梓鈴住邊座（大姐夫同梓鈴都係住係新達），佢就指住第５座，之後就走ｌｕ

當我行返去華佢地度既時候，佢地問我嗰個係乜水，我咪話大姐夫囉，佢地就話想睇下佢咩樣，就跑過去，一路嗌住「著住綠色衫嗰個停係度！」無奈－－”

大約５點我地就散ｌｕ∼返到屋企大約５：１５分∼

呢幾日都冇乜功課做，實咗太好啦∼！