今日唔係好早又唔係好遲起ｏ左身∼起ｏ左身係房間睇書∼之後見到手機震（較ｏ左震機）∼先知我成晚冇關電話－－”係徐老師打黎，話一陣去考金章ｏ個陣要帶學生手冊，叫我話埋俾傲晴知，咪叫囉。打ｏ左俾傲晴講ｏ左俾佢知之後，佢咪我洗唔洗帶埋ｏ個本資訊科技挑戰獎勵計劃ｏ個本野（資訊科技挑戰獎勵計劃就係考章ｏ個個活動名），我就唔知啦，不過我本來都諗住帶埋既，咪叫佢帶埋囉。
去到考章場地ｏ個陣∼覺得間ｓｃｈｏｏｌ都幾靚∼去ｏ左登記之後就去ｏ左課室等。等ｏ左陣，有個姐姐走ｏ左入黎，叫ｏ左我同傲晴，去ｏ左第２間房門口等ｐｒｅｓｅｎｔａｔｉｏｎ。等ｏ個陣我同傲晴係咁問徐老師野∼又問佢有冇ｇｆ啦∼又問佢ｄ老師既年齡啦等等∼徐老師爆ｏ左幾個老師既年齡俾我地知∼至於佢ｇｆ佢就唔肯認有∼不過我地都知啦∼∼∼
終於到我要去受死啦…入去ｏ個下就驚∼入到佢講野又唔係好驚ｗｏｒ∼
入面有３個評判∼當我介紹完個專輯燮告之後∼佢地就問ｏ左我２個問題。
１．點解你揀循環再造黎做今次專輯報告既題目？
２．你對呢個專輯報告有ｄ咩感到興趣？
我就答ｏ左：
１．因為呢個時候，每家每戶每一日都有好多垃圾，況且推填區又就快填滿，我覺得循環再造係好重要，所以就揀ｏ左黎做。
２．我覺得係呢個專題報告入面，令我感到興趣既係知道原來金屬同玻璃都可以再造∼平時我地只知道廢紙、膠樽同鋁罐可以再造∼呢２樣我地唔係好知∼所以覺得好特別。
唉∼唔知考唔考到呢？！∼徐老師話只要有一個俾０分就考唔到架啦∼