攰死人喇！隻腳發軟提呀！郁都唔想郁 =~=
今日7：30 約咗車and liz 去到第一城！我真係好氾濺呀！
好提議唔提議，提議話如果邊個遲到ge話，就要講食野！
偏偏我就遲咗2分鐘，搞到要講食野！T^T
我係街賣ge第一枝旗係一個大叔，佢係到嗌" 靚女，過黎呀~ " 我聽到當然即刻望過去啦！
我開頭見佢係到笑笑下，以為佢玩下，跟住見佢攞咗個銀包出黎，我就跑埋去，佢就同我講"你係靚女，其他嗰兩個唔係黎𠺢，佢都唔過黎！"之後幫我買咗！^o^ so funny ar
之後我地就係行，一路行一路賣，開頭都幾順利𠺢！因為好早，無咩人都我地爭生意！
9點幾之後就開始有好多人都我地爭喇！
我地由第一城行行行行行到去乙明村，跟住去咗中央公園，跟住就去咗食野，之後就繼續，去咗火炭，之後就有條白痴仔係我地學校𠺢！叫我買，佢真係好無聊呀！
之後就去咗體育館，之後就去咗我地嗰日踏單車嗰條路，見番嗰日嗰個好心ge哥哥！
之後又番番去第一城，同個弟弟爭生意，佢廢到死，都叫唔到人幫佢買，咁我地咪叫嗰d人買囉！
之後就帶住疲憊ge身驅番學校，學校就送咗個m記ge玻璃杯，我寧願佢俾D野我食，同俾盒野我喝仲實際！
之後叫到伍sir ，佢真係好搞笑呀！我同佢講咗陣，跟住唔知去邊。真係好攰，又唔想咁早番企，又想坐！
車又話唔好坐，我無聊喎！跟住就去咗陳蔚薇ge home home ，我地又化妝妝，係到畫眼線！我靚女呀！我地個個都係！^^~ 不過有D妖妖地咁，唔緊要呀，佢先靚𠺢嘛！
有我la，車la，叔la ，如la ，當然有mei mei la！係佢屋企到跳廋身舞，同叔搞黎搞去，係到禁人地嗰到，佢禁落黎嗰野真係幾痛𠺢！變態𠺢！~3~
我地係到扎咗半折，幾令令呀！我原來扎半折辮都幾靚^0^唔錯唔錯~~
我地又度我地隻有幾大，原來我好大𠺢！我最大，好happy ~因為眼大係靚女嘛~
去糖水店食野，之後唔知點解有得送魚蛋，有得食就得啦！
之後諗住走嗰時，佢地又話睇狗狗！
有隻狗係齜牙𠺢，我又好衰唔衰話佢係我同類，我真係好白痴呀！
其實我咁講係因為我見佢好可憐，無人理，so 我咁講~
點知佢地就嗌嗰隻狗簡慧宜！頂佢地唔順~唉~
問題係佢地係到嗌簡慧宜，隻狗又望過黎喎！
跟住笑死我！隻狗俾另外嗰隻係到聞佢個pat，隻狗好惡夠叫，另外嗰隻又死追住喎！好白痴呀！
唔知佢嗰到係唔係好香呢，吸引到咁多狗聞佢嗰到！haha
之後又打算走ge時候，大家又話去如ge home home ，咁又去咗！
佢屋企都幾令呀！佢d家姐又健談喎！係佢個弟弟cool D，我開頭仲以為嗰個係佢個ar哥添呀！
佢個大家姐話我搞笑呀，不過唔知點解佢咁講，又話我好似D古代ge人，又話我似肥豬！
之後就歸家喇！佢地話好似去教會喎！
我番到屋企，ar婆就話"咁早番ge " 我都唔知點答佢！
我之前仲驚佢會話我遲番，點g仲話我早番！ahah
之後我就訓咗好久呀！
大家都好關心我賣成點~
今日又有好多電話打俾我呀！不過都係………唉~唔好ge！
雖然好攰，不過都好開心呀！^3^ ^v^ ^0^ >o< = =" ~~ T^T
