我好成功又睇完一本書，呢本書我都算係睇得最耐𠺢喇，用咗我4，5日時間黎睇！

我又好成功咁作好兩篇中史題目！咁又做完一樣功課呀！嘻嘻

今日全日最唔開心ge時間就係夜晚，我ar媽同ar爸又唔知因為咩事又嗌交。

事情係發生係唔知咩時候，媽成日都唔同ar爸講野，爸切咗生果問佢食唔食，媽又無反應，總之問佢野都係淡淡回覆，爸都唔知發生咩事。我個五嬸打電話黎，叫我地星期日出去一齊飲茶，講完電話後，爸問媽時間地點，媽咩都話唔知，爸就開始嬲，之後入咗廁所洗涼。五嬸又打過黎，約好時間地點，話俾媽聽，講完後，爸出黎喇，媽就話：「簡生，我地……」媽未講完，爸就話：「你鐘意點就點，唔洗話我聽！」好嬲咁講！媽又開始發瘋，係咁不停自言自語，而爸就即刻走上床睡覺。我睇，呢次又有排唔采大家喇！成日都係咁，我都無辦法。

同常呢D事件發生都係媽無啦啦發皮四，爸又講D野令人反感！

唉~總之就煩啦！希望佢地好快唔事啦！！