今日重測地理同物理....

好彩都識姐~唔係又多科唔合格..........

今日係學校係咁溫書....

連玩都冇出去玩...都唔知自己係咪傻左~

少可咁努力~kaka~

lunch之後,我地就係自己班到測驗,第一科考ga,係物理,有半個鍾考...

之後有半個鐘比我地休息下,比我地自修,但我地就係到玩...

我仲冇啦啦比個個死人李保文整到整到個patpat tim...

佢冇啦啦,拉開左少少我張chair,搞到我成個人坐左係地下...

仲整到背隻tim~正衰人黎ga!!

搞到我即場係到喊....

黎sir仲搞笑...

同李保文講,話如果我要睇醫生ga話,就佢比錢...

之後又話,如果我因為咁,而冇人要ga話,就要佢娶左我~

我聽到個陣,笑到想死....仲大叫話唔要....

黎sir仲話唔要都唔得...搞到我巧無奈....

自己本身又係到喊喎...之後又係到笑....

搞到我又笑又喊,成個傻婆咁.....

徐敏仲話我傻左...

冇耐,又開始考地理,考完就放學lu~

上午返學上堂,下午就考試,我都係第一次...

希望今次ga重測會合格啦~~

唔合格ga話,今次ga家長日我就有排煩lu.......

好唔開心呀!!今日冇啦啦上英文堂話調位...(教英文個個亞sir係我班主任)

我初初以為亞sir講笑(因為個個亞sir成日都同我地講笑ga~),so冇理佢!!

點知...........佢話要我地執野,之後一個個咁調位~

我聽到就開始唔開心....

我個位原本係坐門口數上黎第2行第1個....

但我比人調左去窗口位數上黎第2行第1個....

雖然都係第2行第1個,但個分別都好大喇~

衣家個個位,周圍都係男仔咁濟,唔鍾意!!

之前個個位,周圍都係女仔黎嫁!!

唔鍾意,唔鍾意呀!!

第一個小息個陣...

唔知點解冇啦啦係到喊...

可能你因為冇人可以同我上堂玩,傾計啦~

so諗諗下先係到喊囉~

搞到d班d fd走哂過黎問我做咩~

但我只識係到喊....個個都唔知點好~

不過最後都比我叫哂佢地落去玩...

之後冇耐就冇事lu~

但我真係唔鍾意衣家個個位...

最好快d快d快d再調位...

唔係我會悶死都似....

今日明明話左去游水,但點知肥婆話唔去得...搞到成班人跟住話唔去~

之後長平又發俾氣,話點解因為肥婆一個人話唔去得,之後就要成班人唔去~

話好唔公平,之後我就同佢講,咁我同柱陪你去囉~之後佢仲唔彩我tim~

你估我唔想去咩~我夠想去啦~但都冇人去,咁去咩喎~

都話陪你去,你就唔彩我,咁我冇野講啦~

真係好~聽日又開始返學~但返得一日,之後又放一日假,之後又返學3日學...

唉...一係就放埋聽日啦~返一日,放一日咁...不過返去都係派返測驗卷..........

算啦~d時間好快過.....

今日一早就同柱去左區場睇喇沙踢波...

因為自己都有興趣睇下佢地點踢ga,so就8點起左身lu~

去左區場,大妁9點半到,入到去,佢地就岩岩開始左~

原來佢地今日對禮"言"會踢win左ga話,就係冠軍喇~真係勁~

睇到完場,佢地都未分到邊個win,之後就踢九馬(唔知係九碼定十二碼lu~)

之後竟然比佢地win左...win得勁低死~哈哈~勁搞笑~笑死我~

睇完佢地踢波,我同柱就入左天水圍喇~

因為佢地踢完波,時間仲好早...

so就去左新北江行左陣街街囉~但因為仲有d鋪頭都未開門....so得個少少野睇~

行左一陣,就去左加湖銀座行街街~仲係一間叫"sky" ga飾物鋪頭到,買左耳環tim~

好開心!!因為我話想買耳環,買左好耐,只不過係睇唔岩,so成日都冇去買到~

係個間"sky"買完野,咁就去左聰屋企玩lu!!

佢地叫我同柱入去玩溜冰(類似溜冰啦,但又唔係溜冰...仲知唔識講~自己諗啦~)

之後又話唔玩,到最後都係係聰屋企玩左成日~唉..........唔知入去做咩~

玩到6點就走人lu~因為我仲想返去新北江買衫衫~kaka~

之後,就同柱返去買衫衫喇~睇岩左好多野~但因為我冇錢錢....

so.........只買左件衫衫咋......下次帶多d錢錢去買衫衫先得~

件衫衫買左$49.99~(咁咪姐係50蚊囉~)但我覺得好靚...so冇計較...

之後又睇岩左條裙喎...都唔算貴...$29.99咋(咁咪姐係30蚊囉~)

但因為冇錢錢...同埋屋企有裙襯,so都係冇買....(有少少後悔做乜頭先唔買...)

返到屋企成8點lu~我就馬上換左件新衫睇下~

嘩~~~好靚靚呀!!好正...好鍾意~kaka~好開心~

聽日同長平個d去swim~未試過同佢地游...so好想快d到聽日...有得游水~

嘩~打左咁多字ga~haha~我都要訓教教朱lu~

唔係驚唔知醒...so...goodnight~   ^3^

好開心呀!!終於可以寫返日記~

因為之前個日記板有d問題,搞到差唔多成個月都用唔到........>.<

衣家,我會盡量日日都黎打日記嫁喇~

希望大家得閒都上黎睇下丫~

但記住回覆喎!!       thanks~  

係時候訓教教朱喇~希望你地發個好夢啦~

goodnight~