今日又係同小女子一齊番學校,唔知道幾時開始,同小女子一齊番學好似已經變成習慣.今日都幾好,去到佢樓下佢岩岩落黎,跟住講起今日要劏老鼠,哇...
番到學校,哇,奇景,班房一個人都冇,kaka,不過又冇開冷氣=口=""可惡+討厭...等左一陣終於開冷氣,正.今朝晨讀,今個學期最後一次,唉...
跟住上maths,都瞓左一陣,跟住小測,未溫過,不過all都識做.跟住phy,瞓.小息搵黃太,唉,跟住就係最期待既bio,劏老鼠喎,不過開頭睇花同洗豬肺,嘔,d豬肺好核凸啊,跟住劏老鼠,本來我唔想劏,不過見玲玲佢地冇男仔幫,咁就過去幫佢地.劏老鼠既過程好順利,好快就劏完,跟住差唔多完果陣,shit,錦爺個仆街(原諒我的冇禮),佢劏就劏,做乜要連老鼠個頭都整落黎,聽佢地話佢要開老鼠個腦look look,低b啊,白痴啊,做埋d無聊野,搞到差唔多全班都"小"佢,連伍太都叫佢尊重生命,你地話佢係咪過分,忍無可忍要同佢講一句,仆你個街...
跟住去壽如食野,番到學校補數,跟住on duty,之後中文,然後英文,好奇怪,竟然唔眼瞓,kaka...放學就作文比賽,我作完都唔知作d乜出黎,好似係高年級第一個tim,不過算啦,志在參與...
跟住番到屋企,例牌咁打下機,例牌咁傾下msn,跟住食飯,沖涼,睇電視,打機.打日記咁囉...
p.s 突然覺得自己好失敗,對唔住啊,"愛馬仕"...
歌曲精選:
靠近一點點
默默在你的身後守候的我
多想看你不經意的笑容
或許我的心你不懂
我會努力讓你感動
在你眼中有多麼笨拙的我
決不放棄追逐你的執著
只要你能再多些回應我
一個笑或點頭全接受
能不能再靠近一點點
大聲說出你所有感覺
別再緊緊關在只有自己的世界
溫暖太陽為你迎接
能不能再靠近一點點
能不能再勇敢一點點
就算讓我知道我永遠只是單戀
我也會藏著感謝
笑著和你說再見...........................................
