打風...似返風多D...訓訓下都有D凍

同阿媽飲茶順手食LUNCH

去左祥記五金買野
2個G字夾同D雜野,順手睇下D價...原來錫紙喉都好貴 = ="

返左屋企一陣阿幫就打黎叫我出屯門買模型

我諗都至少有4年無去...
真係唔多記得點去
好彩打一打比阿哥問

去到見到間野個格局都唔同曬
都幾失望...因為貴左好多
以前平過元朗好多嫁,...依家貴過元朗
不過工具材料好多都平過元朗,至少齊過元朗好多
買左少少野...
本身想買膠片同螺絲...但係兩樣都無貨...唉...
膠片同金屬條都平過元朗好多
下次整野都可以放心用

因為有G字夾,所以可以執一執房
因為想有返個地方做野...
如果係廳整模型既話...用太多地方,成日比人嘈,好煩
不過係房都要解決左兩個問題至可以開工
方法已經諗好,不過唔知幾時實行...
因為都要時間買料同整...

真係覺得佢...一啖沙糖一啖屎咁
我唔明白點解佢覺得我唔信佢囉
只係想簡單咁問候下姐...

算啦...我都係唔搵佢傾計...

MSN成為左主流...ICQ已經少左好多人用
係ICQ上面同我傾計既人都無ONLINE LU
早知問佢地拎左MSN先啦．．．

唉...依家開機...除左做功課同傾計之外就無野做
但係連傾計既人都一個一個咁無左
真係唔知...開電腦黎重有咩意思