琴晚...我12點左右訓...因為一隻曱甴....攪到我唔夠訓!!!

===============事發經過=================   

當我訓到差唔多2點既時候...我feel到左手中指有隻昆蟲行過
本能反應...整走佢
之後不停咁發夢...從夢中開始覺感覺到佢既size...係一隻曱甴
2點...佢再一次走去我左手中指上面....
再一次整走佢
諗諗下...唔對路!佢應該佢係曱甴,成個人醒曬!!
一轉身...就見到佢係我左面牆上...
呆左囉...又唔可以整死佢,因為係我張床到,整死佢咁dirty之後我點訓!!
好辛苦至張佢引左出廳...點知佢走左入去sofa底!!
整黎整去都引唔到佢出黎...
大家姐醒左...見到我唔知做緊乜...同佢講有曱甴...佢又見唔到
之後阿媽都醒埋...同佢講完...
搵左一搵,唔見,就話...你係咪發夢咋
真係好無奈囉...
之後隻野都唔出黎...算啦,訓...但訓唔著...一黎...有d陰影...二黎有d熱,4點至再訓得著...

====================================================

7點起身返學...
好黑仔囉...唔知點解我坐個位既風口位...又大風又凍 (正常係唔會出風的)
已經唔夠訓嫁啦...再係咁吹凍風真係好暈...有d想嘔 = ="

今日既堂叫最有野學嫁啦
開波教photoshop,基本野...不過叫做有野學囉
lunch後上progamming,個阿sir好正,上佢堂耐d都唔怕,不過...每星期得兩個鐘,有d唔開心囉

返到元朗食左個面...行緊天橋睇住個天...由天晴變落大雨
以為唔洗踢波
點知返到屋企收到電話話照踢...(本身因為太過唔夠訓想休息下)

踢波...工業村
頂,d人又遲到,個個都遲到...得5個人,頂,自己人都遲到,點約人出黎踢姐
等到6點半至夠7個人...約左港青踢

今日因為暈暈地,所以差唔多一直做龍門
可能地濕攪到波都濕,有幾球...明明唔會入...但甩手...唉
最唔開心係有球all蛋囉
唉
今日輸6:3
明明book場去到8點
但係比人踩場,無奈!!!!