set windows搞到好"早"訓

今日2點至起身
屋企難得有粥食,但係我太遲無得食

去左飲茶
之後去左個邊執野
以為有機會可以一齊去
最後都係一個人

拍最後既一次,一邊行一邊拍
買左個大紅白藍執野
好似執緊D回憶走咁
雖然每次去多數都只係為左玩
但係都有好多回憶係到
因為好多重要日子都係個到過
執晒又重又FULL,真係好唔想一個人拎返中大
但係唔拎,又無乜機會再黎到
最後,點都係自己一個人拎架啦...唔會有人陪我一齊走...個一段路

去到中大放野,個個係到做3150
我都未做過...傾左兩句我又走~

校巴真係好煩,次次都係我趕時間至等得耐
又等左20分鐘校巴

想快D返到元朗
幫佢買野,到左既時候打左成5分鐘電話都無人聽
都真係幾唔鍾意成日打佢電話無人聽/CUT線
不過...下次都應該已經係半年後既事 (諗起你個電話好似未CUT)

返屋企拎電腦同其他野比佢
去左行沙灘,其實好鍾意咁行
不過唔知點解每一次都拎住好多野

可能因為3個月後就見到面
分開既感覺,無平時咁強烈
但係心入面又有D隱隱作痛既感覺...

可能...由始至終,我都覺得你會一直係香港
或者個感覺好強烈,當面對現實既時候,無奈會痛一下

或者你聽日走
我喊,唔係因為你離開我
而係因為,你係我身邊既時候我做得唔夠好
後悔內疚自責...

因為你要離開,我無法再為你做你想同我一齊做既事
點解每一次要去到最後至會後悔...

或者就係我中學時間,成日講既DEADLINE EFFECT
今次唔係因為DEADLINE所以努力工作
而係因為DEADLINE所以自責感次方上升