都未去到月記咁誇張既...

成日想寫但係...好眼訓去左訓教= ="

小記一下

返榮華,今日最後一日
其實不知不覺都返左個半月
有少少唔捨得走
重要返下工搵下錢...份工咁HEA...
最唔捨得既係係個到可以用到既SKILL XD
因為就算做得幾快,係其他地方都唔會見到

但係個幾月黎,除左返工放工
生活都好似無其他野..

前日去左同同事燒野食
阿君同阿鈴真係....完全唔係做野= ="
真係有少少煩

其實差唔多4點至開始燒,6點幾就要走
我覺得我好蝕...重要少左好多好多娛樂
我始終覺得,GATHERING要去到最後個一兩個鐘至真的有野傾

好耐之前約左同班大學同學打邊爐
去左尖咀稻香打,食左百四蚊
但係好似無乜野食到咁
其實唔係話唔開心既
不過傾既野,都係聽,聽完其實都好似唔關我事咁
一黎有時講既人其實我唔識
二黎我又無乜玩十學既活動
佢地講既野...好似...離我好遠咁...

完左之後比佢地用我部機勁連拍
有D心痛,但係...我又覺得有得連拍咁快
有時係要咁玩下既...

最後今次又無同佢地去飲野
上次好似因為最早D返去搵茶
今次係聽日一早要返工

或者...到最後都其實只係一個藉口叫自己唔好去...
因為唔係咁想去...

茶已經齊左窮三寶
我都想齊,但係無乜錢....
唉...我都唔知D錢用左去邊
點解好似返工都咁窮架...