睇黎都有成個星期無update (睇返差唔多係半個月)
忙...好忙...我有諗過大學生活會好忙
但係...唔係忙到咁既地步丫嗎...
我諗都至少半個平均每日都訓唔過5個鐘
真係做咩都無精神= ="
3號就final...但係我重有好多野未做...
重有兩份ass同一份論文................
最大獲係論文呀...............................
topic都未諗,咩資料都未搵,點算好...
唉,話咁快大學生活就差唔多過左一個sem
時間原來可以過得咁快

記一記事
星期二去左畢業禮,原來我的確係要上台
做course rep,名都無得讀XD
不過雖然係咁,上到去台都有d震...
同感覺上,好似要上過下台,至叫畢左業咁...
(所以我一直覺得中學好似無畢業咁)
(不過其實都係...我既成績應該係叫修業...)
P.S.即係話我大學畢唔到業?

影相,估唔到都有咁多同學去
重諗住好少人去tim
不過最後都係好快就散晒,飯都無食XD

星期五又做左D好危險既事...
其實...點解要咁...又真係唔知= ="

今日屋企既人,出街既出街,返工既返工,去旅行既去旅行,返大陸既返大陸
其實即係話...今天得我一個
好好咁有外賣仔買野比我食XD
KFC個包唔夠以前好食...好似太多野...開始奇怪
燒雞翼幾好食

其實今日有堂上,不過LEWIS打左黎叫左佢幫我拎NOTES
加上D野都交晒...搞到我唔想返= ="
最後STAY左係屋企

本身出街睇野,最後見到佢好攰咁訓左...
只好做功課= ="
睇住D 2110...真係唔知從何入手...
睇黎我EXAM都係凍過水...
好平靜既一日
好平靜咁...過左一個幸福既下午

P.S.點解會突然想?

佢返屋企打邊爐
我屋企無人食野只好自己食
係佢樓下大快活打邊爐...
唔知點解
食既時候,我覺得我好似身在聖誕節咁
一個人,好孤獨咁打邊爐
突然好想聽LONELY CHRISTMAS
其實有屋企返係一件好開心既事

去左市中心行
上天橋既時候
我覺得我好似回到從前咁
一個人係鬧市穿梭
好強烈既空虛同寂寞感
其實一直以來都係咁,我都應該...好習慣

睇下電話,睇下其他野
其實我睇電話睇左咁多年....
都重未捨得...買部電話比自己...
都講左3-4年
原本答應過自己,升上大學比自己過得好D
今年過左去既SUMMER...我會做既事
最後都因為好多好多既意外
資金無左,所有想買想做既野
最後咩都落空
的確有少少心酸
好似多年努力儲既錢都化為烏有咁
又無為過自己做D咩...係咪應該做少少野令自己好過一點?

同左茶行夜街
都係WINDOW SHOPPING,因為咩都關晒
去左影貼紙相
玩部機雖然最後都係失敗贏唔到
但至少好開心

又過左一日,又少左一日做野
書?未溫
論文?算了吧...

其實...有時...開心咪得囉
點解要計較咁多野呢?