寫寫近況先

返緊臨時包裝工人
工作上無乜問題,都係手板眼見功夫
但見到一個同期入既同事...真係好唔得囉
做得慢都算,重要做野十分馬虎
同期計埋我total有4個年輕人
今日一齊做同一個工作...3個都好快手...
但係做最後一個工序既佢(都係最簡單既一個)
可以令到成條生產線慢晒...
重要話"點解要做咁快姐"
茶好不憤咁講"人地趕緊工等住要架!" (因為今日的確係趕緊工)

重要唔知點解我成日都要同佢做partner...
好開心地今日有第二個同我part
做得勁快

其實份工enjoy既話都幾開心
又唔洗用腦,得閒做下體力勞動練下d陳年唔用既肌肉
但係有時都幾悶...

返完工好習慣一齊去食D野再送佢返屋企
多數黎講...好多時都會食LEE個...

明明5點半就放工...好多時7點半-8點至返到屋企
好ENJOY LEE兩個鐘既時間
是時間少了,所以特別珍惜嗎?

星期四夜晚去左食金田...
十分唔新鮮囉...明顯係食物中毒咁既樣
之前食都唔係咁...係因為LEE排太熱呢?

其實都真係幾多野食,重有4件8吋SUSHI入唔到鏡(其實張台已經FULL左)
食完重有甜品

咖啡味,好好食,不過明明係一件...切得靚少少就分左做兩件...
算啦...都明既...呃得就呃丫嗎= ="

水邊7人場
遲左半個鐘,天氣太熱?還是最近太累...
踢左兩場就無踢,話都無咁快就11點...
踢得好差,傳唔到波走唔到位重成日犯錯

今日繼續返工
又CUT野CUT到手...(其實次次都係無個好位比我CUT野搞到要勁大力咁CUT姐)
次次都係慢動作咁CUT野之後睇住把CUTTER入手(係勁用力)
今日差D成塊肉CUT左出黎
唔洗講D血又係勁爆出黎係咁滴...
見到D血...都幾清...但係其實都幾癡手(尤其係半乾既時候)
見到自己對手多左好多傷痕
唔知點解有D開心既感覺
因為成日都覺得...男人...係應該有D傷痕...(好低能囉覺得自己)

突如其來的一句話...
我...唔知講咩好...唔想...唔知點算...
很巧的在播不能說的秘密
心有點痛
視野有點矇矓

唔好亂諗野啦...好唔好呀...