2008-6-13 至 2008-6-19~~七日台灣之旅行後記:

第一日:

由於8點幾機又約左6點機場等既關係...
我一早3點幾起身去搭N車...
去到機場5點幾,諗諗下,其實搭5點半既E車都係遲少少,有D後悔

第一次搭飛機,等左成個鐘至起飛,無窗口位,無得睇景,好可惜

點心飛機餐,比想像中好食(不過都係一般差)
坐隔黎既係阿龍同唔識既中年肥胖男士

坐飛機重好過坐車/船,只係唔鍾意係跑道到行既時候...
好快就到台灣

 
好似好多錢咁...
飛九巴士真係好好坐!!

行李都未放就去左食野

 
度小月,我覺得幾好食

 
鼎泰豐...一般OK啦,唔係話十分十分好食,不過試下都OK既...

食完回酒店放行李就再出去逛

之後行誠品同新光三越
誠品真係OK大,不過對一個唔睇書既人黎講,上到去唔知有咩做
幫人搵書,但係搵唔到,都幾失望

新光三越比我既感覺就好似行緊國貨公司咁
加上D野感覺同香港差不多...想行既意欲不大(加上自己不太喜歡SHOPPING)

開始下雨

 
食左好甜既雪糕
太甜啦,唔好去LEE到食呀!!

上101,個夜景真係好靚,但其實香港夜景我都未睇過,所以做唔到對比

有個講解既野借黎聽,不過因為遲借,所以聽左少少就無聽到
周圍去影相
以為我部機影得唔係咁好
睇返D相都OK喎原來!!

估唔到係101都玩左3個鐘...

之後去饒河夜市食野

食既感覺不太多,加上間間都差不多,食左個飯同骨,重有D小食同包
好累的第一天

回酒店...
 

不錯的...雖然很有時鐘酒店的感覺
大堂有電腦可以上線的,雖然只有一台

感覺玩完第一日已經好似黎左台灣幾日咁...可能係景點比較多?
早幾日都太夜訓,已經很累很累

很想念你
如果能夠一起遊歷,你說多好呢

第二日:

一早起身
有點後悔早起,因為總統府入內參觀只係星期一至五(今日星期六)
加上重有落雨,完全無心情行囉...

之後阿龍阿洋繼續行
其他回酒店休息,1點半再會合

西門町
第一次知道有個咁既地方...係我玩緊MAPLE STORY既時候
台灣SERVER出左LEE個地方...

 
感覺有D似上次去廣州絛步行街咁,不過明顯大好多

阿然個fd黎左搵佢
行左一陣,佢地幾個主睇衫咁
所以分開行

由於阿里山未搵到地方住
所以就去搵旅行社
好好彩咁搵到青年旅行社個d
搞掂阿里山民宿,重唔收手續費

係台北市行左陣街
再去左誠品搵書,原來個到根本無個三本書...

其實誠品...係唔比影相...

本想去睇下高達館,點知裝潢緊
最後好似都係行下商場...

今日早D去夜市,因為想早D返去休息
去左公館夜市同兩日唔記得名既夜市
因為阿YIN阿澔同主席對行夜市不感興趣
所以公館之後都只有我,阿洋同阿龍
因為公館個到不太多野食,所以主要都係去個兩個唔多出名既食野
 
LEE個我幾喜歡食,同香港蔥油餅差唔多,不過鬆化D

是但咁搵個地方買D野飲,其實到到都差唔多...

所謂豪大大既分店?
好似琴日食個雞排好食D

阿龍比塊(雞)排搞掂左...睇下佢食前同食後差幾遠...
P.S.事源本身係一齊分黎食,但最後阿龍自己食一塊,最後......

之後回酒店
可能因為上午回酒店休息左一陣
搞到訓唔著...3點幾至訓得著...

無電腦用既一日
兩日以來既行程已經令到個人好累好累
說真的...突然好想結束行程回家(原來我有思鄉病...)

第三日:

又再很早起身
搭捷運去木柵站轉巴士去菁桐

OK靚既車站

 
車上面好有日本味道既小女孩
車卡係一個個獨立,唔可以去第二卡到,都幾特別~

木柵落車...天氣好得很...(邊個話會落雨)
 
路景,因為等車比較耐,行左去前面睇
重有影下D無聊相...

無得坐既巴士,都幾苦,之後重要一直行TIM
諗起都覺得今日會好累

由於D巴士無講咩站,我都係見到差唔多既時候落車
點知都已經遲左一個站,要行一個站...

 
阿洋個樣好正...(行緊去正確既車站中)
天氣很好

 
好有開始新一段旅行既感覺(的確係正式開始今日既行程既...)
白石村...

去到菁桐站,好多好靚既木排
有D後悔無買返塊寄返比自己

原來我家姐同阿哥去到既時候,LEE間"菁桐鐵道故事本"都係無開
咁我咪好好彩?
菁桐車站

香港都無乜機會可以行到火車軌

上左去車站上面d睇景既地方,影左好多低能相...

見到佢有幾個穴,行去影下相
不久有火車行過,佢地見到我好似好危險咁...
不過火車擦身而過既感覺,我諗唔係咁多人感受過

好多人去lee到都係為左影火車軌,黎到lee到緊係要上去影返張相啦
哈哈哈,其實我真係有d驚(有火車黎 / 跌落去(我企個條下面係河黎))

由於d車...係單線雙程...所以...
我地平溪搭車走,因為有車由平溪去菁桐
所以我地上左車,因為都係坐個架車去大華

今個7天行我覺得最好可惜既就係今日
因為無係十分落車,我真係好想睇十分個兩條橋...
重有個瀑布呀!!!
唉,唔落車既原因係因為阿yin佢地唔想落...

對我黎講,去到十分無落車係今次旅行既一個遺憾
加上難得的天氣咁好,真係去幾次都未必有今次咁好天
算了,過左去

去到瑞芳打電話比民宿
以為間野好近...點知坐的都坐左好幾個字= ="

我地間民宿同個到見到既景(都ok正架)

放低左d行李之後就去食野...
食左間ok貴既阿妹茶樓,都坐左好耐tim

佢個樣都幾中式...入面都幾靚
我地因為個個都肚餓,所以無叫小食
一人叫左一碗麵食
都幾好食...

個到係一個嘆茶既地方,重會教你點嘆tim
係個到坐得既人都坐好耐...

睇見個天好靚

真係靚得好假,d山真係一層層layer咁...

去左行下佢條街,食下野咁
重有買下手信咁啦(我就無乜點買啦)
條街都幾多人,見到既野都係差唔多...

天黑了
回民宿玩(是日無食dinner)

邊到民宿不久,發現間民宿有隻曱甴
最後比阿龍打死左,之後我地發現間野
睇落好乾淨,但d野好多都有一隻隻細細既蟲
仔細咁check完之後...去左玩啤牌
估唔到我地會玩到兩點幾...
阿龍本身重想睇日出
但係我地起身都已經係6點幾7點XD

第四日:

第五日:

第六日:

第七日:

UPDATE:
DAY1(FULL): 2008-6-23  01:41
DAY2(FULL): 2008-6-24  01:40
DAY3(HALF): 2008-6-24  01:40
DAY3(FULL): 2008-6-28  02:07