行程十分緊密...

一大清早起身返學考IS...
今次PK啦,解錯左第一條無左十幾分
之後個D好多都係亂做
PASS既機會好似好低...好驚PASS唔到...
算啦,聽天由命,佢要肥我都無計

之後就影班相

算OK齊架啦,不過有幾個獨立小組走左(個4個女仔同五虎)
之後都係勁影相勁影相咁啦
天氣好熱,影到出晒汗,但最後係落雨
好多人都無同佢單獨影
感覺是...之前影左...

點解咁嘩然架呢?
諗一諗...係喎...
其實好似無乜人知我識你= =

或者...佢地認為...
我同你係萍水相逢都未到既HI-BYE同學XD

一伙一伙的合照,大概不會有下一次吧
相信這兩年的生活帶來不了美好回憶
然而我對IVE還是一點歸屬感都沒有
捨不得的只有同學
我還是享受大伙人的活動吧

食飯去左飲茶
可惡D野叫完唔到重要勁貴囉!
不過算啦,我諗都唔會再有下次
十分奇怪TINA同我地班食飯
雖然因為要INTERVIEW

去沙田市中心搭車去機場
原來A車D位真係好坐好多同快好多...(當然都貴好多)
3點就去到機場又好似快左少少...
買左兩件DONUT,不過唔係比我食(唔記得同佢地影返張遺照)
係等既同時
見到前面個太太...感覺十分似曾相識(其實完全唔識)
因為相信係等同一班機既關係...
直覺上唔知點解覺得佢等既人同我等既都差唔多
再見佢打個電話連絡人係ESTHER...更加覺得係...(明顯係我八卦囉)
最後原來真係...(我D直覺有時都幾準)

P.S.等左差不多個半鐘...

做了對痴男怨女
送回家,做了阿四
感覺好似RESUME返離開前咁
中間既時間已經好似消失了

玩樂一回就收到電話
班聚打邊爐
然後再出沙田...

都好多人係到,雖然係分兩枱
本以為平平凡凡的打邊爐
最後係到飲酒,9個人一打大啤
好幾個都飲到塊面紅晒
我都幾紅,不過對眼重紅囉
好可能係因為唔夠訓...
我都飲得唔多,不過三四杯

都OK平
加左一打啤酒都唔洗一百

玩得好開心
都係訓先,勁眼訓,聽日重要早起= ="

突然變得好記事呀今日