一直想一直想
很多很多無可能的如果
如果從來沒有發生過
相信我會一直等待

巴士上小記:
巴士都係兩座位,有個阿嬸坐係路口位
咁我要坐入面窗邊位,個阿嬸要比位我入去好正常
見到就咁坐直腳都唔移開
我就就咁入去,位置不太夠,勁磨腳
但係過左一隻腳無理由KA住先叫佢"叔"唔繼續行架喎
坐好之後個阿嬸係到講"洗唔洗咁急呀"
心諗:
係你自己唔"叔"我真係理得你死啦
我未鬧你唔借位比我行你重鬧我急!?有冇病呀阿嬸
不過算,今日無心情鬧人

business走左差不多一個鐘
其實上唔上都無關係的...

第一城KFC,今日食到芝士波...十分十分一般
又少又唔係特別重要貴1蚊,我想要返薯格的...
(第一城同禾輋比...d人做野好慢好柔閒)
註:
點解我無上兩三堂就變左成日唔返個個!?

看來summer台灣之旅成行機會好高
差在會有什麼同伴

星期六的西貢團大概一定成行
意想不到的是阿龍竟然會參與
可是回家途中感到風大想落雨
原來今日T1..一兩日會大風浪
那就星期六的天氣一定唔多好

家姐問左句"點解你地咁多野傾?"
其實我地無野傾...不過係間中搭訕
閒時講下做緊咩笑緊咩對望發呆一下
忙時互不理采的自己做自己野
相信見面和傾計時間比正常情侶多好多
可惜真係只係"見"囉
或者...相見時間增長
可以增加安全感吧...
同時減少地理差距做成的不安感

每當搭火車巴士行街見到情侶
都會想起跟你一起的日子
時間過得真係慢...
(FYP完全停工...其實慢係好事...)