開始覺得以前既我點解可以日日都有野寫 XD

韶關之旅後記：

DAY1：
打算6點起身6點半至出去，點知阿媽阿爸5點幾就叫醒我6點就出左門口...
食M記早餐，老實說，我未見過M記早餐會有咁多人...排隊都排左半個幾鐘...

以為無乜特別平平淡淡咁去一個短TRIP，
但估唔到第一日就咁大獲
搭船返大陸，落船既時候我家姐比關員叫左入房
因為回鄉証過左期！
重要因為個到無得搞落地簽證所以未上到巴士就要同家姐講BYEBYE
4人行變左3人行，個時個心真係拿住拿住，都幾唔開心
最想去旅行既係佢，叫我地報團既又係佢
我真係想去唔到個一個係我都唔想係佢
領隊話可以追團，唔知佢追唔追到呢？

帶住沉重既心情坐巴士去廣州轉高鐵
高鐵又真係幾快得黎幾穩定，我諗相對黎講係返大陸玩最舒服同安全（？）
去到韶關高鐵站，收到家姐既電話，話佢應該會追團
其實都好開心，不過又好擔心，始終一個人去到咁遠都幾危險

第一站：食飯（1點）
食個飯，都唔錯既，幾好食，雖然唔係咩特色野

第二站：馬壩人遺址（2點半）
第二站（上）：獅子岩
其實佢個外表一D都唔似獅子，導遊都話佢睇左咁耐都唔知點睇至似獅子...
獅子岩一個岩洞
入面因為發現到一D古代人既頭骨所以出左名
個洞都可以話係無乜特別，都係一個平平凡凡既洞...
不過我就無入過LEE D洞無對比，所以對我黎講都算係一個新鮮事黎
入面有好多人工做既像話比我地知以前既人係點生活之類...
行行下我行左去一次佢唔比我地行既地方以為係出口，夠臭...
點知原來個到係未開發的∼

第二站（下）：馬壩人博物館
因為都係獅子岩個一個公園入面，所以都會去睇埋
入面有好多相，講下韶關呀...獅子岩個D以前既野
都有D“所謂”既古物，老實係香港是但一個館都多野睇同好睇過佢 ＝ ＝
一個好悶既地方...

第三站：北伐戰爭紀念館（4點半）
都係好多相係講返以前孫中山，即係共產黨同國民黨點打
因為都真係幾悶，同埋聽既都係好快同好唔正既普通話，加上我無LEE個歷史知識
所以唔係好聽得明...最後都係HEA下睇下
又過左一個好悶既點...

第四站：雨宮溫泉酒店（5點半）
第四站（上）：晚飯（自助餐）
好早就返到酒店，第一日真係無乜行程可言...
6點就食自助晚餐，D野都好一般啦...大魚大肉就無
有入得口食得飽既野就已經到我既要求

收到家姐既電話，最後都係唔追團了
一來車錢＋証差唔多要千七，計埋回水都三千幾，去到個5﹣7日團啦...
又危險加上返去都應該要自己走，所以都係無追
但係佢唔追我又有D唔開心，少左個陪...

第四站（中）：神話瑤族
自費行程黎，因為唔睇都無乜野做
其實我覺得佢都係計左個行程入黎，唔係點會咁早就返黎丫...
算啦，一個人幾十蚊好過無野做
個SHOW都係一般，唔係咩特別野...

第四站（下）：溫泉
話明係溫泉酒店，比左錢唔去下點對得住自己
同埋我咁大個人都未浸過，緊係要試下！
因為唔係硫磺，所以其實我覺得同熱水無乜分別
佢個地方好大，同有好多唔同DESIGN既溫泉
點知行行下隻腳撞左一撞
頂！無啦啦有石級...咁就爆血...
之後第一直吊起隻腳黎浸...
同阿爸浸一陣又行一陣，差唔多一個鐘就走
不過都浸到暈暈地...

返到房食埋個燒雞宵夜就訓左

第一日完。

第二日：
一早6點幾就要起身，今日就係重點既丹霞山！
因為要轉酒店，所以要PACK返好晒D野至走
食完早餐7點幾就出發丹霞山

第一站：遊湖
自費行程，不過都OK值既
因為我地個導遊想等大船，所以都等左差唔多半個幾鐘
但係遊遊下因為大風都真係幾凍，同埋又可以上船頂睇，所以都覺得等係值既∼
天氣唔係太好，但係都唔算差既
唔落雨，但係好大霞，唔係好睇到D遠既山景
好多怪石，有D都真係幾神似
上到去船頂睇景既時候，諗起係尼斯湖遊湖
對比之下沒有藍色的天，沒有藍色的水
有的是灰白的天，綠色的水，突然感覺差了 XD

第二站：陽元石
都幾出名既一舊石
諗起去韶關就會諗起LEE舊石
行上去觀景台大約10分鐘左右
感覺比起之前睇哥既相個景遠左咁
同埋多左好多樹
唔知係咪因為大霞睇得唔係十分清楚既關係呢？

第三站：食中午餐
比琴日既差，係咁多...

第四站：丹霞山
其實我以為佢會有咁上下高度，但係原來都唔係好高，都係3﹣4百米高
2點幾去到等上纜車，等左成個鐘...
不過其實我地個導遊已以好快手，唔係既話，我諗要等兩個鐘都上唔到去...
因為我地遲過人出發去，早過人到，遲少少前面就會多左百幾二百人...

上到山
先去韶音台，大約行5分鐘
見到對面既山景，雖然唔係叫壯觀，但係都係一個美景
見到隔離個長老峰既觀日亭，我真係好想行過去睇下
可惜既係唔會有時間比我去行，我都希望我會有機會再黎過行下佢

去完韶音台
由於只有最多一個鐘既時間
導遊話只可以去舵石
二話不說就行左過去，其實來回快既話都係大半個鐘

因為舵石個地勢，其實同直無乜分別
行到去邊邊位重要係30﹣40度咁斜落去
真係好似就黎會跌落去咁，好驚得黎感覺好正

好唔捨得咁就要離開丹霞山

第五站：五馬寨生態園
睇下人點種菇，購物點黎，但係無乜野值得買

之後食個晚飯，比起中午更差...

第六站：風采樓＋步行街＋冬菇街
風采樓只係一個好中式既一個牌坊類野黎
都係影一影，步行街都係好平凡個D街，比民市買日常野既地方
冬菇街係步行街既一條橫行，入面真係好多店都係賣冬菇的

行完就返酒店

今次既酒店好新，新到外牆重整緊，入面咩野都未開（除左D房）
佢大堂可以話係同威尼斯人係一樣， 可以話係金碧輝煌既∼
重有幾隻白兔仔係到TIM（D腳好黑好DIRTY）
想去按下腳都無...
好在都重有得浸浴

第二日完。

第三日：
今日可以話只係得一個行程
食完早餐10點至出發返廣州
12點幾到左廣州就再食中午
好頭好尾，LEE餐都唔錯

最後一站：江南印象園
老實說，雖然唔係全部都係舊有係到，但係佢都整得幾靚
佢間間屋其實都係商店黎，但係入面都係賣返D特色野
至少會同個景好MATCH，唔似1881咁...
可惜只係得一個鐘既時間，唔係我真係會慢慢行下D店
係廣州就可以得閒約D FD再去過

完