SUMMER唯一既日記都因為電話問題無左
不過都唔記要既,記既都唔係咩特別事
張開心既都用相片短片留一個回憶都唔錯

過左香港都差唔多一個月,叫做搵工其實都無乜搵過
send都係send左一封咁大把,唔知點解就係無乜動力去做
可能重有一絲希望你會早d返香港同我一齊生活(雖然又唔係好想)
不過唔緊要,今日都知道你可以繼續讀書
希望你真係記得自己講過d咩
由你今次可以令我有希望,就知你上年都做唔到自己講既野...

最近幾日同你打機,某程度係令到自己逃避一下現實
想同你有多d一齊既時間,又比多少少時間去做一下個心理改變
你成績都出左,你既生活都會起變化,好多野開始要做
所以我都要為自己起返一個變化
係時候要cheer up一下

對我黎講,英國既生活係美好既回憶
我都重好回味緊個3個月既生活
不過我都係時候回歸現實
我真係要快d快d搵工做至得啦
我真係好想買支小小白玩
好想買好多lego玩
好想重新改建過間房
好想換過部電腦
好想好想好想好多好想
最重要係,好想有你係身邊同有多d錢