今日返9半...兩堂都係無聊堂...
差唔多全堂都係到傾計囉...

一放學就馬上返屋企...
食完野返到屋企都差唔多2點半...
3點半出大埔返工...走之前係屋企又煮個面食...今晚可能無野食...
今日話有event
剛剛落去樓下收到電話...好消息,今夜有飯食,重有廿蚊車錢.正

64K...第一次搭...
一路既風景...都唔錯既...不過真係好有"田園氣息"囉
原來嘉道理農場係lee到...
原來...綿上路...係咁長...
原來...個西鐵站出面係咁大...

車程一小時...開始入到大埔...
見到條好有中國色彩既橋...條河...好似就係有龍舟比賽個條黎

重入多少少...見到個地方...真係好似元朗...大馬路個兩行商鋪
第一個feel係...好有親切感...個景同元朗有7成似呀真係

去到總站...完全唔知點行!!!
搵左好耐...見到有個商場入口...入到去...重加唔識行!!!
好大......
好好彩又比我搵到M記...(因為係M記個牌到等)
見到間M記...又覺得好熟口面...
原來我黎過...中六個時OMP去教院比賽係到食過早餐!
不過我係坐火車黎嫁好似
唔係喎...好似係坐貨車黎...因為要運OMP D野 = ="
等齊人都5點半...又話5點 = ="  坐小巴去
再入d...見到同朗屏一樣既樓...個樣真係好似朗屏邨...
最底死既係...條馬路既方向都好似....重要旁邊有d丁屋...好似楊屋!!

去到目的地............

嘩...好大...真係睇落好高尚既住宅
全部都係3層似丁屋既低密度高尚住宅
一生人入黎一次都夠啦 XD

食飯......好好笑囉...因為無台...所以個個都樽係到...真係好有大陸FEEL

我做車場....完全睇唔到個show囉...
同我想像中好大出入...

不過都好...
一直聽個對講機...下面好似打仗咁忙到7彩
我同貓毛係上面...無野做...悶到發慌
不斷咁係到傾計唱歌傾計唱歌,,,

不過...睇唔到個show...好有被騙既感覺///

11點幾至放工...初初叫我個個話返到10點
之後今日又打黎話12點...
返到黎又話11點...最後都係放11點8
好在剛剛夠快上到64k...唔係都唔知要 遲幾多返到屋企..>.<

不過返到黎...都差唔多成點鐘...
聽日重要返9點...都唔知點算 = ="