今日比人叫醒去飲茶...但係醒左之後再訓過...結果都係無去...
訓到11點...d人返黎...佢地...打麻牌!!!
好嘈...重要聽到大家姐既狂呼...唉...要起身
打下牌咁囉....lunch食pizza...我請 = ="

=====以下一段為本人對小強既心聲===========================

12點左右小強打黎問maple既野
真係覺得佢好煩...講真...真係講真...咁多個熟既朋友我對佢係特別差
其實我都唔想...不過真係十分之唔鐘意佢既性格
佢成日都要自己無蝕底,咩都要人地蝕既...
連同佢一齊行見到要開門佢都唔會出手開,一定要你開比行,唔係就一齊企係到
我明白性格係同屋企成長背景有關既,屋企可能唔係有錢...對lee d會小心d
但係做人都唔係做成咁姐
一開始玩maple...記得有幾次想要佢比少少野我都要同我計(d唔多值錢既野)
所以我之後咩都唔借比佢,咩都要同佢計
講真...對我黎講,我都同唔玩無乜分別,我好多野都借左比barry同小花佢地
今日佢開我拎把刀,本來我都唔諗住收佢1mil咁多,都係叫佢dump d錢比我算(我記得now把野無1mil咁貴)
我都講到明把野係average嫁啦,叫佢dump錢係地下
佢係都要我比佢先,又要我show比佢睇,要睇自己又唔死去trade我喎
自己想睇就trade我啦,唔係click個制都咁懶呀嗎
我明白佢怕我呃佢,我諗佢都feel到我對佢特別差
但我都知對佢黎講1mil都幾貴,我又唔玩,呃你做乜先
叫佢dump錢係都唔dump,真係同佢講到發皮氣,同佢講唔要我cut線
佢都係唔dump...cut電話線同maple offline
如果佢唔係成日都咁斤斤計較...我諗我比左佢都重得
我好少對一個人咁絕...係佢成日都攪到我要對佢咁絕...
佢對我好一次我會對佢好一次
我都知我個人好難相處...依家把口可能衰d
d性格又唔係幾好,但我對人...可以話係恩怨分明
對我好我會對佢好,對我差我都會比機會佢,都係咁對我我會對佢好差
好似barry咁,我野要搵佢幫手佢做得到有時間都會幫我
所以佢要我幫手我有能力既話都會幫佢,無咩事都唔會say no
最多係語氣可能差左d...唉...我知我係d咁既人...但有時控制唔到
唔想做會語氣差d,但唔係唔做既...
有機會我真係會同小強講下佢既問題
佢會有好多吃飲玩樂既朋友,但好難搵到個交心囉
可能佢覺得唔重要,但係到最後好多朋友都會因為咁唔想再同你做朋友落去

===============分隔線================

其實本身想講下整模型...因為睇左d野好有feel...

不過寫完頭先個d...無曬心情 = ="