時間過得真係快...咁就七月中

其實咁多個咁多年黎咁多個暑假裡面

除左中五repeat個一年覺得閒之外

其他我都無覺得悶...而且重覺得時間太短...

(解釋:點解突然講lee 個問題係因為... 我講fd話暑假好悶,所以想講下)

時間點過...多數都係得兩個 ...

打機

整模型

我相信打機既時間一定比整模型多好多

或者lee個就係我由幼稚園高班一直都有既習慣吧

其實我打機唔會打得好快同好耐

至少...我多數都唔會爆機 = ="

我見朋友多數會係幾日內爆機or幾日內話唔想玩唔玩

而我可能...係比較享受打機既過程...

多過去想得到打爆機既滿足感

我會覺得...慢慢打好...因為打爆機...

爆左之後就唔會再玩(至少我係) ... 會有一種好空虛咁既感覺

會覺得...平時你生活既一部分...突然無左而感到失樂

所以我多數都會張d角色升到好高lv之後至慢慢玩

(我多數玩RPG同戰棋既GAME)

所以會玩得好慢(係咁升LV...有D似玩ONLINE咁...只係升LV)

另外玩得慢既原因係因為我唔睇攻略,又唔識日文

所以成日玩到唔識玩而無玩

玩到無野好玩既時候就會整模型...

但其實整模型都係一個好苦悶既工作...

為既...只係完成後既滿足感...

完成既時候...個一種感覺...係好似會考拎到A(其實我未拎過)

跑步拎第一(我最多得第三 = =) , 係地下執到1000蚊咁...(我最多得100)

真係好難講 = ="

整完後個一個星期....我會不斷不斷咁拎出黎欣賞...

不斷的轉POSE

如果未能完成既話...會係因為太苦而再回歸到我部機到

(...因為之前太悶 = =   ...會突然覺得D GAME好玩左好多!! )

咁既話....時間會過得好快...小則一頭半個月,大則二個幾三個月(因為開學無乜野做)

有時會覺得...咁浪費時間...點解唔去學下野

但係...又會學咩?

電腦...要用既時候好多時都會好快上手

再問下高手多都會知點做同...而且學左無用的話...用既時候都OUT左啦,差好遠(要睇咩software)

語言...英文都未學好 = ="

學的話都只係學日文(方便打機) ... 但係...一條友去學唔識都無人問

MUSIC...一黎貴,二黎樂器多數好貴同幾大

我學guitar都係先斬後奏 ... 好在阿媽比咋,阿爸一直反對

武術...真係想,不過得個想字,有人同我去學就一定會去學

去旅行...唉...個個fd都話無錢

唔通一條友去咩,我最唔鐘意一個人去做事

一黎悶既時候無人同你傾下玩下

二黎人生路不熟有多個照應

三黎多個人(多數都係熟人)有咩事都方便好多

原來打左咁長....算啦...係時候停...